काठमाडौं (हाम्रो खेलकुद)- नव नियुक्त प्रमुख प्रशिक्षक म्याट रोसले प्रारम्भिक चरणमा ३० खेलाडीलाई बन्द प्रशिक्षणमा बोलाएका छन्।

सिंगापुर विरुद्धको अन्तर्राष्ट्रिय मैत्रीपूर्ण खेल र मलेसियाविरुद्धको एएफसी एसियन कप छनोट खेलका लागि खेलाडीलाई बोलाइएको हो।

नेपालले चैत ८ गते ( मार्च २१) सिंगापुर विरुद्ध सिंगापुरमै खेल्नेछ। त्यसपछि चैत १२ गते ( मार्च २५) मलेसियासँग छनोट खेल खेल्नेछ। मलेसियासँगको खेल नेपालमा नै हुनुपर्ने भए पनि यो खेल मलेसियाको सुल्तान इब्राहिम स्टेडियममा हुने तय भएको छ।

आइतवार एक वर्षको कार्यकालका लागि नियुक्त भएका रोसका लागि यो पहिलो जिम्मेवारी हो। नेपालले अफगानिस्तानसँग पछिल्लो पटक मैत्रिपूर्ण खेल खेलेको थियो। जहाँ नेपाल २-० को जित निकाल्न सफल भएको थियो।

एएफसी एसियन कप छनोटमा नेपाल ग्रुफ ‘एफ’ मा मलेसिया, भियतनाम र लाओससँग रहेको छ।

प्रारम्भिक ३० सदस्यीय टोली

गोलकिपर – किरण कुमार लिम्बु, विशाल सुनार, दीप कार्की, अभिषेक बराल, अञ्जल श्रेष्ठ

डिफेन्डर – अनन्त तामाङ, छिरिङ लामा, रोहित चन्द, बिमल पाण्डे, सनिश श्रेष्ठ, रन्दीप पौडेल, सुमित श्रेष्ठ, अञ्जन राई, अभिषेक लिम्बु, आशिष गुरुङ, अशोक खवास

मिडफिल्डर – लाकेन लिम्बु, रोहन कार्की, मणि लामा, भरत खवास, एरिक बिस्ट, मनिष डाँगी, आयुष घलान, कृतिश रत्न छुन्जु

स्ट्राइकर– अञ्जन बिस्ट, जिलेस्पी जंग कार्की, समिर तामाङ, दिनेश हेन्जान, सुवास ठकुरी बम, निराजन धामी