एजेन्सी – ह्यारी केनको २ गोलमा बायर लेभरकुसेनलाई ३-० को हार चखाउँदै बायर्न म्युनिखले च्याम्पियन्स लिगको क्वाटरफाइनलमा पुग्ने संभावनालाई मजबुत बनाएको छ।

खेलको नवौं मिनेटमा नै बायर्नले अग्रता बनायो। माइकल ओलिसेको क्रसमा केनले हेडर गोल गरे। पहिलो हाफ १-० को नतिजामा सकियो।

खेलको ५४ औं मिनेटमा लेभरकुसेनका गोलकिपर कोभारले किम्मिखको क्रस हातबाट छुटाए। जसलाई मुसियालाले सजिलै गोल गरे। यो सँगै बार्यनले अग्रता दोब्बर बनायो।

२-० ले पछि परेको लेभरकुसेन खेलमा फर्कन सकेन भने ६२ औं मिनेटमा १० जनामा समेटियो। नोडी मुकिएले दोस्रो पहेँलो कार्ड पाए।

यसपछि पेनाल्टी बक्समा एडमन्ड टाप्सोबाले केनलाई तान्दै लडाए। भिडियो असिस्टेन्ट रेफ्री (भार) को सहयोगमा रेफ्री माइकल ओलिभरले पेनाल्टीको निर्णय गरे। जहाँ केनले कुनै गल्ती गरेनन्।

केनले सिजनको ३१औं गोल गर्दै बायर्नलाई ३-० को सहज जित दिलाए। दोस्रो लेग बे एरिनामा मार्च ११ मा हुनेछ।

अर्को खेलमा दस खेलाडीमा समेटिए पनि स्पानिस क्लब बार्सिलोनाले बेन्फिका विरुद्ध १-० को कठिन जित निकालेको छ। बार्सिलोनाको जितमा राफिन्हाको मात्र गोल निर्णायक बन्यो।

त्यस्तै लिभरपुलले च्याम्पियन्स लिग अन्तिम १६ को पहिलो लेगमा पेरिस सेन्ट जर्मेन (पिएसजी) लाई १-० ले हरायो। खेल सकिन ३ मिनेट बाँकी रहँदा लिभरपुलले गोल गर्यो ।

मोहम्मद सलाहको ठाँउमा मैदान प्रवेश गरेका हर्वी इलियटले आफ्नो पहिलो टचमै गोल गरे । डार्विन नुनेजले दिएको सुन्दर पासमा उनले गोल गरेका हुन्।
अर्को खेलमा इन्टर मिलानले फेयनोर्डलाई समान २-० ले हरायो ।