काठमाडौं (हाम्रो खेलकुद)- सहिद स्मारक बी डिभिजन लिग आज सुरु भएको छ। च्यासल युथ क्लब र वीरगञ्ज युनाइटेडबीचको उद्घाटन खेल गोल रहित बराबरीमा सकिएको छ।

दशरथ रंगशालामा भएको खेलमा यु-१९ का युवा खेलाडीले भरिएको च्यासलले दबाब बनाउँदै गोल गर्ने अवसर सिर्जना गरेपनि गोल गर्न सकेन।

वीरगञ्जले काउन्टर अटयाकमा पाएको केहि मौकालाई सदुपयोग गर्न सकेन । दुवै टोली समान १ अंक जोडे।
लिगको दोस्रो दिन भोलि झापा फुटबल क्लब र प्लानिङ ब्वाइज युनाइटेड तथा ब्रिगेड ब्वाइज क्लब र श्री कुमारी क्लबबीच प्रतिस्पर्धा हुनेछ।

लिगमा आरसीटी, श्री भगवती क्लब, टुसाल युथ क्लब, ब्रिगेड ब्वाइज क्लब, ब्वाइज युनियन क्लब, मध्यपुर युथ क्लब, च्यासल युथ क्लब, श्री कुमारी क्लब, बाँसबारी क्लब, नयाँ वस्ती युथ क्लब, सरस्वती युथ क्लब, वीरगञ्ज युनाइटेड क्लब, झापा फुटबल क्लब र प्लानिङ ब्वाइज युनाइटेड गरि १४ टोलीबिच प्रतिस्पर्धा हुनेछ।

लिगको समाप्तीमा शीर्ष २ क्लब ए-डिभिजनमा बढुवा हुनेछन् । पुछारका २ क्लब सी- डिभिजनमा घटुवा हुनेछ।

लिगको विजेता टोलीले १५ लाख , दोस्रोले १० लाख र तेस्रो टोलीले ५ लाख रुपैयाँ प्राप्त गर्नेछ। फेयर प्ले टोली र सर्वोत्कृष्ट खेलाडीले समान १ लाख तथा उत्कृष्ट गोलकिपर र सर्वाधिक गोलकर्ताले समान ५० हजार रुपैयाँ प्राप्त गर्नेछन्।