काठमाडौं (हाम्रो खेलकुद)- नेपाली राष्ट्रिय फुटबल टोलीको एएफसी एसियन कप छनोटको‌ तयारीमा जुटिरहेको छ।

टोलीको‌ दोस्रो चरणको छनोटमा २७ खेलाडीलाई‌ समेटिएको छ। टोलीका नवनियुक्त मुख्य प्रशिक्षक म्याट रोसले पहिलो चरणको बन्द प्रशिक्षणमा ३० खेलाडीको नाम सार्वजनिक गरेका थिए।

सार्वजनिक गरेको ३० नाम बाहेक पनि पछि खेलाडी बन्द प्रशिक्षणमा थपिएको आज सार्वजनिक गरिएका नामले पुष्टि गरेको छ।

अन्तिम २७ मा परेका रेजिन सुब्बा, सुमन श्रेष्ठ, सृजन राज गौतम स्टयान्ड बाई लिस्टबाट २७ सदस्यीय टोलीमा परेको भनिएको छ। उनीहरू ३ जनाको एन्फाले यसअघि सार्वजनिक गरेको पहिलो चरणका ३० खेलाडीको सूचीमा थिएन ।

३० मा रहेका ६ खेलाडी गोलकिपर अभिषेका बराल, डिफेन्डरहरू आशिष गुरूङ, अशोक खवास, छिरिङ लामा र अन्जन राई तथा स्ट्राइकर समिर तामाङलाई प्रशिक्षक रोसले अन्तिम २७ बाट हटाएका छन्।

नेपालले चैत ८ गते सिंगापुर विरूद्ध अन्तराष्ट्रिय मैत्रिपूर्ण खेल खेल्नेछ। त्यसपछि टोलीले फागुन १२ गते एएफसी एसियन कप छनोट अन्तर्गत मलेसियसँग खेल्नेछ।

नेपालले अफगानिस्तानसँग पछिल्लो पटक मैत्रिपूर्ण खेल खेलेको थियो। जहाँ नेपाल २-० को जित निकाल्न सफल भएको थियो।

एएफसी एसियन कप छनोटमा नेपाल ग्रुफ ‘एफ’ मा मलेसिया, भियतनाम र लाओससँग रहेको छ।

२७ सदस्यीय टोली

गोलकिपर – किरण कुमार लिम्बु, विशाल सुनार, दीप कार्की, अञ्जल श्रेष्ठ

डिफेन्डर – अनन्त तामाङ, रोहित चन्द, बिमल पाण्डे, सनिष श्रेष्ठ, रन्दीप पौडेल, सुमित श्रेष्ठ, अभिषेक लिम्बु, सुमन श्रेष्ठ

मिडफिल्डर – लाकेन लिम्बु, रोहन कार्की, मणि लामा, भरत खवास, एरिक बिस्ट, मनिष डाँगी, आयुष घलान, कृतिश रत्न छुन्जु

फरवार्ड – जिलेस्पी जंग कार्की, अन्जन बिष्ट, दिनेश हेन्जान, सुवास ठकुरी बम, निराजन धामी, रेजिन सुब्बा, सृजन राज गौतम