3 months ago
March 14, 2025
एजेन्सी – म्यानचेस्टर युनाइटेड युरोपा लिगको क्वाटरफाइनलमा प्रवेश गरेको छ।
कप्तान ब्रुनो फर्नान्डेसले ह्याट्रिक गर्दै १० खेलाडीमा सीमित रियल सोसिडाडलाई बिहीवार दोस्रो लेगमा ४-१ हराएर युनाइटेड अन्तिम आठमा पुगेको हो।
पहिलो लेगमा १-१ को बराबरी भएको थियो। समग्रमा ५-२ ले अघि बढेको युनाइटेडले सेमिफाइनल प्रवेशका लागि फ्रेन्च क्लब लियोनसँग प्रतिस्पर्धा गर्नेछ।
रुबेन अमोरिमको पहिलो वर्षलाई उपाधिसहित सम्झनलायक बनाउने आशा जीवित राख्न जित आवश्यक थियो।
त्यस्तोमा युनाइटेडका लागि खेलको सुरुआत निकै खराब रह्यो। म्याथिज डि लिटले गल्ती गरेपछि मिकेल ओयारजाबालले १० औं मिनेटमा पेनाल्टीमा गोल गर्दै पाहुना टोलीलाई अग्रता दिलाए।
तर, घरेलु टोलीले ६ मिनेट पछि बराबरी गोल फर्कायो। इगोर जुबेल्डियाले रस्मस होयलुन्डलाई फाउल गरेपछि फर्नान्डेसले पेनाल्टीलाई गोलमा परिणत गरे।
खेलको तेस्रो पेनाल्टीपछि युनाइटेडले अग्रता लिएको थियो। अरिक एलुस्तोंदोले प्याट्रिक डोर्गुलाई फाउल गरेको निर्णयप्रति असन्तुष्टि जनाए पनि रेफ्रीको निर्णय परिवर्तन भएन। फर्नान्डेसलाई ५० औं मिनेटमा गोल गर्दै टोलीलाई अघि बढाए।
स्पेनिस टोलीको अन्तिम आशा खेलको दोस्रो हाफमा समाप्त भयो । ६३ औं मिनेटमा डोर्गुलाई रोक्न खोज्दा जोन अराम्बुरुले रातो कार्ड पाए।
युनाइटेडले खेल समाप्त हुनु अघि थप २ गोल गर्दै जित निश्चित गर्यो। फर्नान्डेसले ८७ औं मिनेटमा ह्याट्रिक पूरा गरे । डियोगो डालोटले इन्ज्युरी समयमा चौथो गोल गर्दै युनाइटेडको जित पक्का गरे।
June 18, 2025
सुशील पन्त क्षेत्री,चितवन भरतपुर मेयर कप अन्तर विद्यालय फुटबल प्रतियोगिताको दोस्रो संस्करण शुक्रवार सुरु हुने भएको छ । चितवन जिल्ला फुटबल संघको आयोजना तथा भरतपुर महानगरपालिकाको प्रवर्द्धनमा प्रतियोगिता हुन लागेको हो । प्रतियोगिताको महानगरपालिका प्रमुख रेनु दाहालले उद्घाटन गर्ने जिल्ला फुटबल संघका अध्यक्ष श्रीकृष्ण कार्कीले जानकारी दिए । प्रतियोगितामा भरतपुर महानगरपालिका भित्रका २४ सामुदायिक तथा […]
June 18, 2025
एजेन्सी – साविक विजेता लिभरपुलले २०२५–२६ प्रिमियर लिग सिजनको उद्घाटन खेलमा बर्नमाउथको सामना गर्नेछ। म्यानचेस्टर युनाइटेड र आर्सनलले एक अर्काको सामना गर्दै नयाँ सिजनको सुरुवात गर्नेछन् । आर्ने स्लटको नेतृत्वमा पहिलो सिजनमै लिग उपाधि जितेको लिभरपुलले अगस्ट १५(साउन ३० गते) एनफिल्डमा नयाँ सिजनको उद्घाटन खेल खेल्दै आफ्नो उपाधि रक्षा यात्रा सुरु गर्नेछ। २०१६–१७ पछि पहिलोपटक […]
June 18, 2025
एजेन्सी – इटालियन टोली इन्टर मिलानले च्याम्पियन्स लिग फाइनल हारेको पहिलो खेलमै बुधवार विश्वकपको उद्घाटन खेलमा मेक्सिकन क्लब मोन्टेरेसँग १-१ को बराबरीमा खेलेको छ । अनुभवी स्पेनी स्टार सर्जियो रामोसले पहिलो हाफमा एक शानदार हेडरमार्फत मोन्टेरेका लागि गोल गरे ।इन्टरका लागि लउटारो मार्टिनेजले पहिलो हाफको अन्त्यतिर बराबरी गोल फर्काए। ४२औं मिनेटमा कार्लोस अगस्टोको पासमा सहज […]
