आर्सनलसँग चेल्सीको हार

एजेन्सी – आर्सनलले इंग्लिस प्रिमियर लिगमा आइतवार जित निकालेको छ।

माइकल मेरिनोको पहिलो हाफमा गरिएको हेडर नै खेलकि निर्णायक बन्यो । जितले आर्सनललाई लिगको दोस्रो स्थानमा थप मजबुत बनाएको छ। आर्सनलले चेल्सीलाई १-० ले हरायो ।

माइकल अर्टेटाको टोलीले पछिल्ला ३ खेलमा जितको स्वाद चाख्न पाएको थिएन । आजको सफलताले आर्सनलले तेस्रो स्थानको नटिङ्घम फरेस्टसँग पुन: ४ अंक दूरी बनाएको छ।

स्ट्राइकर मेरिनोले खेलको २०औं मिनेटमा मार्टिन ओडेगार्डको कर्नरबाट आएको बलमा हेडर गोल गरेका हुन्। एन्जो मारेसकाको टोली चेल्सीले दोस्रो हाफमा पनि खासै सुधार देखाउन सकेन ।

यो जितपछि आर्सनल शीर्ष स्थानको लिभरपुलभन्दा १२ अंकले पछि छ । चेल्सी चौथो स्थानमा‌ यथावत छ। पाँचौं स्थानको म्यानचेस्टर सिटीभन्दा चेल्सीको १ अंक बढी छ।