1 month ago
March 18, 2025
काठमाडौं (हाम्रो खेलकुद) – रोमाञ्चक खेलमा मध्यपुर युथ एसोसिएसनले झापा फुटबल क्लबलाई २-१ गोल अन्तरले हराउँदै शहिद स्मारक बी डिभिजन लिगमा पहिलो जित निकालेको छ ।
एन्फा कम्प्लेक्समा भएको खेलको पहिलो हाफमा दुवै टिमबाट गोल हुन सकेन । दोस्रो हाफ भने अत्यन्त रोमाञ्चक बन्यो । ५२ औं मिनेटमा झापाका पेमा तामाङले आत्मघाती गोल गरे । यो गोलमा मध्यपुरले १-० को अग्रता बनायो ।
खेल सकिन एक मिनेट बाकी छँदा पुजन राईले गोलकिपरलाई बिट गरे । खेल १-१ को बराबरीमा पुग्यो । इन्जुरी समयमा सजिन थापा मगरले बक्स बाहिरबाट हानेको शक्तिशाली प्रहार गोलमा परिणत भयो । यही गोल निर्णायक बन्दा मध्यपुरले नाटकीय शैलीमा २-१ को जित दर्ता गर्यो । झापाको भने यो लगातार दोस्रो हार हो ।
दोस्रो खेलमा मध्यपुरको यो पहिलो जित हो । उसले दुई खेलबाट ४ अंक बनाएको छ । पहिलो खेलमा मध्यपुरले टुसाल युथ क्लबसँग बराबरी खेलेको थियो ।
झापाले दोस्रो खेलमा पनि अंकको खाता खोल्न सकेन । झापा पहिलो खेलमा प्लानिङ ब्वाइजसँग २-१ ले हारेको थियो ।
आजै भएको पहिलो खेलमा श्री भगवती क्लबले ब्रिगेड ब्वाइज क्लबलाई २-० ले हराएको थियो ।
भोलि टुसाल युथ क्लब र ब्वाइज युनियन तथा रानी पोखरी कर्नर टिम (आरसीटी) र वांशबारी क्लबबीच खेल हुनेछ।
April 29, 2025
काठमाडौं (हाम्रो खेलकुद)- सशस्त्र प्रहरी बल (एपिएफ) प्रथम बागमती प्रदेश मुख्य मन्त्री कपको सेमिफाइनलमा प्रवेश गरेको छ। नुवाकोटको बट्टारमा जारी प्रतियोगिताको आज भएको क्वाटरफाइनलमा पदमा स्पोर्टस क्लबलाई ४-० ले हराउँदै एपिएफ अन्तिम चारमा पुगेको हो । एपिएफको जितमा अनिता केसीले २ तथा रश्मि कुमारी घिसिङ र गीता रानाले समान १ गोल गरे। खेलको ११ औं […]
April 29, 2025
एजेन्सी- च्याम्पियन्स लिगको सेमिफाइनलको पहिलो लेगमा आज राति आर्सनल र पेरिस सेन्ट-जर्मेन (पिएसजी)बीच प्रतिस्पर्धा हुँदैछ। इमिरेट्स स्टेडियममा खेल नेपाली समयअनुसार राति १२:४५ बजे सुरु हुनेछ। पहिलो पटक च्याम्पियन्स लिग जित्ने दाउमा रहेको आर्सनलको लागि यो महत्वपूर्ण खेल हुनेछ। आर्सनलका प्रशिक्षक मिकेल आर्टेटाले भने, ‘हामीले यस प्रतियोगितामा सम्भवत सबैभन्दा बलियो टिम रियल मड्रिडलाई होम एण्ड अवे […]
April 29, 2025
रविन्द्र वाईबा, हेटौंडा मकवानपुर जिल्ला फुटबल संघले पहिलो पटक महिला राष्ट्रिय गोल्डकप फुटबल प्रतियोगिता आयोजना गर्दैछ। छैटाैँ संस्करणसम्म पुरुष गोल्डकप प्रतियोगिता गर्दै आइरहेको जिल्ला फुटबल संघले यस वर्षबाट पुरुषको ठाउँमा महिला गोल्डकप फुटबल प्रतियोगिता गर्न लागेको हेटौंडामा मंगलवार पत्रकार सम्मेलनमा जानकारी गराइएको छ । एन्फाका केन्द्रीय सदस्य एवम् मकवानपुर जिल्ला फुटबल संघका अध्यक्ष टीका लामाले […]
