सुमन अधिकारी, बुटवल

सहिद स्मारक ए डिभिजन लिग विजेता चर्च ब्वाइज युनाइटेड बुटवलमा जारी तिलोत्तमा गोल्डकप फुटबल प्रतियोगिताको सेमिफाइनल पुगेको छ।

नेपाल पुलिस क्लबललाई आज टाइब्रेकरमा ४-३ ले हराउँदै चर्च ब्वाइज अन्तिम चारमा पुगेको हो।

बुटवलमा जारी २३ औ तिलोत्तमा गोल्डकपको पहिलो खेलमा पराजित भएको छ । आईतवार भएको खेलमा लिग विजेता चर्च व्वाईजले पुलिसलाई पराजित गरेको हो ।

देविनगरस्थित एन्फा टेक्निकल खेलमैदानमा भएको निक्कै प्रतिस्प्रात्मक खेलको‌ निर्धारित समय गोलरहित बराबरीमा टुंगिएपछि पेनाल्टी सुटआउटमा निर्णय भएको हो।

चर्च ब्वाइज खेलमा हाबी बने पनि गोल गर्न सकेन । दोस्रो हाफमा पुलिसले पनि आक्रमक खेलेपनि गोलको खाता खोल्न सकेन।

टाइब्रेकरमा चर्च ब्वाइजका अमन लामा, चेतन चौधरी, अर्मान्ड बेएडुम, प्रवेश कुँवरको गोल गरे। कप्तान सेर्गे डिकाको प्रहार बाहिरीयो ।

पुलिसका तर्फबाट प्रज्ज्वल चौधरी, गोलकिपर अमित टमाटा र अरुण गाहाले मात्रै गोल गरे । ओसेन्द्र कटुवाल र विवेक पाण्डेको प्रहार बारमा लागेर बाहिरियो ।

विजयी टोलीका अमन लामा प्लेयर अफ दी म्याच भए र उनले ११ हजार १ सय ११ रुपैयाँ प्राप्त गरे।

प्रतियोगितामा सोमवार संकटा क्लब र जर्जियन एफसी भारतकाबीच प्रतिस्पर्धा हुनेछ।