श्री भगवती विजयी

काठमाडौं (हाम्रो खेलकुद)- सहिद स्मारक बी डिभिजन लिगमा श्री भगवती क्लबले तेस्रो जित हात पारेको छ।

लिगको पुछारमा रहेको श्री कुमारी क्लबलाई मंगलवार २-० ले हराउँदै श्री भगवती १० अंकका साथ लिगको शीर्षस्थानमा उक्लिएको छ।

एन्फा कम्प्लेक्समा भएको खेलको १४ औं मिनेटमा नै श्री भगवतीले अग्रता बनायो। डिफेन्सिभ इररमा सुलेमान थापा मगरले गोल गरे। पहिलो हाफ १-० को नतिजामा सकियो।

दोस्रो हाफमा पनि श्री कुमारी खेलमा फर्कन सकेन । दिवस छन्त्यालको असिस्टमा अमित लामाले बक्सभित्रबाट गोल गरे। यसपछि थप गोल भएन्। श्री भगवती २-० को जित निकाल्न सफल रहयो।

४ खेलमा ३ जित र १ बराबरीको नतिजामा श्री भगवती शीर्षस्थानमा उक्लियो। ३ खेलमा प्लानिङ ब्वाइजसँग ९ अंक रहेको छ। अंक विहिन श्री कुमारीको यो लगातार चौथौ हार हो।