9 months ago
April 4, 2025
काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ ।
दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन गरे ।
दुवै टिमका खेलाडीहरूको प्रदर्शन कमजोर रह्यो । मिडबाट केहि मुभ सिर्जनना भएपनि अधिकांश मिसपास भयो । केहि मुभमा दुवै टिमका स्ट्राइकरहरू आफ्नो पोजिसनमा पुग्न सकेनन् ।
खेलको ४० औं मिनेट सम्म गतिलो पोष्ट चार्ज समेत हुन सकेन । ४१ औं मिनेटमा भने बुटवलका एरिक बिष्टले करिब २५ यार्ड टाढाबाट हानेको फ्रिकिक प्रहार चितवनका गोलरक्षक अमल नाइटको हातमा छुँदै क्रसबारमा ठोक्किएर फर्कियो । बुटवलले गोल गर्ने उत्कृष्ट मौका गुमायो । पहिलो हाफको यो नै एक मात्र उत्कृष्ट मुभ बन्यो । पहिलो हाफ गोल रहित बराबरीमा सकियो।
चितवनले पहिलो खेलमा पोखरा थन्डर्सलाई २-० ले हराएको थियो । उसँग ३ अंक रहेको छ । बुटवल पहिलो खेलमा झापा एफसीसँग गोलरहित बराबरीमा रोकिँदा दोस्रो खेलमा धनगढी एफसीसँग ४-१ ले हारेको थियो । बुटवलको यो तेस्रो खेल हो ।
December 20, 2025
एजेन्सी – चेल्सी र न्युक्यासल युनाइटेडबीच प्रिमियर लिगमा आजको खेल बराबरीमा टुंगिएको छ। सेन्ट जेम्स पार्कमा खेलको सुरुवाती २० मिनेटमै न्युक्यासलले निक भोल्टेमाडेको दुई गोलमा पहिलो हाफमा २-० को अग्रता बनायो। चौथो र २० औ मिनेटमा भोल्टेमाडेको दुवै गोलमा एन्थोनी गोर्डनको भूमिका महत्वपूर्ण रह्यो। तर त्यसपछि चेल्सीले खेलमा पकड बनायो। रीस जेम्सले ४९ औं मिनेटमा […]
December 20, 2025
काठमाडौं (हाम्रो खेलकुद)- इस्ट बंगालले साफ महिला क्लब च्याम्पियनसिपको उपाधि जितेको छ। फाइनलमा एपिएफ क्लबलाई ३-० ले हराउँदै इस्ट बंगाल च्याम्पियन बनेको हो। त्रिपुरेश्वरस्थित दशरथ रंगशालामा इस्ट बंगाललाई जित दिलाउन कप्तान फजिला इक्वापुटले २ र शिल्कीदेवी हनाम १ गोल गरिन् । इस्ट बंगालले २२ औं मिनेटमा गोल अग्रता लिएको हो। गोलकिपर अन्जना राना मगर र गीता […]
December 20, 2025
काठमाडौं (हाम्रो खेलकुद)- साफ महिला क्लब च्याम्पियनसिपको फाइनलको पहिलो हाफमा एपिएफ क्लब विरुद्ध इस्ट बंगालले २-० कप अग्रता लिएको छ। इस्ट बंगालले २२ औं मिनेटमा गोल अग्रता लिएको हो। गोलकिपर अन्जना राना मगर र गीता रानाको समन्वय नमिल्दा इस्ट बंगालले गोलको अवसर सिर्जना गर्यो । कप्तान फजिला इक्वापुटले गोल गरेकी हुन्। पेनाल्टी बक्सबाट उनले अघि […]
