सुमन अधिकारी,बुटवल

बुटवलमा सुरु भएको प्रीति प्रथम उपमेयर कप नकआउट फुटबल प्रतियोगिताको उद्घाटन खेलमा आयोजक क्लब बिस पचहत्तर युवा परिवार विजयी भएको छ ।

सिद्देश्वरी लालकुमारी माविको खेलमैदानमा शनिवार भएको खेलमा सुनवल नवलपरासीलाई ५–० गोलले पराजित गर्दै आयोजक टोली सेमिफाइनलमा पुगेको छ।

खेलको १८ औं मिनेटमा एश्वर्या बमरेलले पहिलो गोल गरिन् । ३२ औं मिनेटमा मिना देउवाले दोस्रो गोल गरिन् ।

दोस्रो हाफमा मिनाले अर्को गोल गरिन् । रुपा बुढाथोकी, प्याउली रायले पनि गोल गरे। दुई गोल गरेकी आयोजक टोलीकी मिना देउवा प्लेयर अफ दी म्याच भइन् ।

त्यस अघि एक समारोहका बिच बुटवल उपमहानगरपालिकाका उपप्रमुख सावित्रादेवि अर्याल, अखिल नेपाल फुटबल क्लबका केन्द्रिय उपाध्यक्ष दिर्घ बहादुर केसी (कुमार), रुपन्देही जिल्लाका अध्यक्ष लोक पुन, नगर खेलकुद विकास समिति बुटवलका संयोजक बोनिन पियाले रेफ्रीलाई बल हस्तान्तरण गर्दै प्रतियोगिताको उद्घाटन गरे।

सो अवसरमा नेपालका पूर्व अन्तराष्ट्रिय फुटबल खेलाडी मोतिकला गुरुङ र लिला रानालाई सम्मान गरिएको थियो । प्रतियोगितामा आइतवार वीरगंज युथ एकेडेमी र वालिङ फुटबल क्लबबीच खेल हुनेछ।

चैत ३० गतेसम्म चल्ने प्रतियोगताको विजेताले १ लाख र दोस्रो टोलीले ५० हजार रुपैयाँ प्राप्त गर्नेछ। सर्वोत्कृष्ट खेलाडीले २५ तथा विधागत उत्कृष्ट खेलाडीले समाब १० हजार रुपैयाँ प्राप्त गर्नेछन्।

बुटवल उपमहानगरपालिकाको सहयोग रहेको प्रतियोगितालाई प्रीति चाउचाउको मुख्य प्रायोजन गरेको छ।