सुमन अधिकारी,बुटवल

सडेन डेथमा चितवनको वसन्तपुर युनाइटेड क्लब चितवनलाई हराउँदै कपिलवस्तु राइजिङ स्टार युथ क्लब बुटवलमा जारी प्रीति प्रथम उपमेयर कप नकआउट फुटबल प्रतियोगिताको सेमिफाइनलमा छ ।

सिद्देश्वरी लालकुमारी माविको खेलमैदानमा वसन्तपुर र राइजिङबीच सोमवार भएको खेल निर्धारित समयमा १–१ गोलको बराबरीमा टुंगिएको थियो।

पेनाल्टी सुट आउटमा ४–४ गोल भएपछि खेल सडेन डेथमा गएको थियो । सडेन डेथमा वसन्तपुरकी अनिता गुरुङको प्रहार राइजिङकी गोलकिपरले रोकिन् ।

त्यसअघि पाचौं मिनेटमा रेखा विष्टले डि बक्समा पाएको बललाई गोलमा परिणत गर्दै राइजिङले अग्रता लियो।गरिदिएकि थिइन ।

३६ औं मिनेटमा उमा रानामगरले वसन्तपुरका लागि बराबरी गोल गरिन् । राइजिङकी जस्मिन महतो प्लेयर अफ दी म्याचबाट पुरस्कृत भइन् ।

राइजिङले आयोजक विस पचहत्तर युवा परिवार, बुटवलसंग चैत २७ गरे सेमिफाइनल खेल्नेछ ।

प्रतियोगितामा मंगलवार हेटौडा फुटबल एकेडमी र भारत मणिपुरको‌ एमएससीबीच अन्तिम क्वाटरफाइनल हुनेछ ।

बुटवल उपमहानगरपालिकाको सहयोगमा विस पचहत्तर युवा परिवार बुटवलले आयोजना गरेको प्रतियोगितालाई प्रीति चाउचाउले मुख्य प्रायोजन गरेको छ।

प्रतियोगिताको विजेताले १ लाख रुपैया र दोस्रो टोलीले ५० हजार रुपैयाँ प्राप्त गर्नेछ।