काठमाडौं (हाम्रो खेलकुद)- एनसेल एनएसएलमा धनगढी एफसी र काठमाडौं रेजर्सबीचको खेल जारी छ।

पहिलो हाफको समाप्तीमा धनगढी एफसीले उत्कृष्ट कमब्याक गर्दै पहिलो हाफमा ३-१ को अग्रता बनाएको छ। धनगढीको लागि अहमद हिजाजीले ह्याट्रिक गरे।

दशरथ रङ्गशालामा भएको खेलको २२ औं मिनेटमा नै काठमाडौंले अग्रता कायम गर्यो। मोहम्मद बुया टोरेको पासमा अमाडाउमा डियोपले बक्स भित्रबाट उत्कृष्ट गोल गरे। काठमाडौ १-० ले अग्रता बनायो।

३५ औं मिनेटमा धनगढीले बराबरी गोल फर्कायो। मोहम्मद एल जेले डिफेन्डरलाई छल्लाउँदै हिजाजीले बकमस भित्रबाट गोल गरे। खेल १-१ को बराबरीमा पुग्यो।

४१ औं मिनेटमा धनगढीको लागि कृतिस रत्न छुन्जुले अगाडि बढाएको बल काठमाडौंका डिफेन्डरले ब्लक गर्दा हिजाजीको खुट्टमा बल पुग्यो। सो बललाई सही दिशा दिंदै हिजाजीले टिमलाई २-१ को अग्रता दिलाए।

त्यसपछि पहिलो हाफको इन्जुरी समयको दोस्रो मिनेटमा हिजाजीले ह्याट्रिक पुरा गरे। सर्जियो बारबोजाको पासमा हिजाजीले ६ यार्ड बक्सबाट गोल गरे। उनी जारी एनएसएलमा ह्याट्रिक गर्ने पहिलो खेलाडी बनेका छन्। पहिलो हाफमा धनगढी ३-१ ले अग्रता बनायो।

धनगढी ५ अंक सहित अंक तालिकाको तेस्रो स्थानमा रहेको छ। समान ५ अंक रहेको काठमाडौं चौथो स्थानमा छ।