3 weeks ago
April 11, 2025
काठमाडौं (हाम्रो खेलकुद)- फुटबल खेलाडी रेनुका नगरकोटेले महिला तर्फ र ब्याडमिन्टनका ओलम्पियन प्रिन्स दाहालले शुक्रवार पुरुष तर्फ प्रथम एपिएफ महिन्द्रा वर्षका उत्कृष्ट खेलाडी २०८१ को अवार्ड जितेका छन्।
रेनुका र प्रिन्सले अवार्डसहित ५० हजार रुपैयाँ प्राप्त गरे। फुटबलकी प्रीति राईले महिला र करातेका महमद शेखु आलामले पुरुषतर्फ एपिएफ बषको मस्ट पपुलर अवार्ड जिते।
करातेकी गंगा अधिकारी महिलातर्फ र फुटबलका जिवेश पाण्डेले पुरुषतर्फ एपिएफ वर्षको उत्कृष्ट प्रशिक्षक अवार्ड प्राप्त गरे।
फुटबलकी गोलकिपर सावित्री किसन र तेन्जिङ शेर्पाले एपिएफ वर्षको उत्कृष्ट युवा खेलाडीको अवार्ड प्राप्त गरे। मस्ट पपुलर, उत्कृष्ट प्रशिक्षक, उत्कृष्ट युवाले अवार्डसहित २५ हजार रुपैयाँ प्राप्त गरे।
महिला फुटबल टोली एपिएफ टिम अफ दि इयर घोषित भयो । टोलीले ५० हजार रुपैयाँ प्राप्त गर्यो। सो अवसरमा एपिएफका पूर्व प्रशिक्षक र खेलाडीलाई सम्मान गरिएको थियो।
अग्नी इन्कोपर्पोरेटेड प्रालि महिन्द्राले अवार्ड विजेतालाई नगद पुरस्कार उपलब्ध गराएको थियो। साथै केल्मीले गिफ्ट ह्यापर प्रदान गरेको थियो।
यसरी सम्मानित हुने पूर्व खेलाडीमा फुटबलका धनविर लाल चौधरी , ब्याडमिन्टनका इन्द्र महत्ता, भलिबलका
कैलाश दत्त भट्ट, करातेका सुनिल लामा, फुटबलकी दीपा क्षेत्री, क्रिकेटका पारस खड्का छन् ।
सम्मानित हुने एपिएफका पूर्व प्रशिक्षक भलिबलका कपिल किशोर श्रेष्ठ, एथलेटिक्सका सुशिल नरसिंह राणा, फुटबलका धिरेन्द्र प्रधान, ब्याडमिन्टनका किरण थापा, क्रिकेटका राजु बस्नेत छन् ।
सोही अवसरमा १० जनालाई विशेष सम्मान गरिएको थियो। यसरी सम्मानित हुनेमा नेपाल पुलिस क्लबकी जुडोकी ओलम्पियन मोनिता श्रेष्ठ, त्रिभुवन आर्मी क्लबका धावक खड्ग बहादुर खड्का ,केल्मीका उत्तम न्यौपाने, नेपाल जुडो संघका अध्यक्ष दिपक हर्ष बज्राचार्य, बक्सिङ प्रशिक्षक पूर्ण बहादुर लामा, सुरज पौडेल र अन्जिला फिल्मका निर्देशक मिलन चाम्स छन्।
वरिष्ठ खेलकुद पत्रकार श्याम चित्रकार, खेलाडी डटकमका प्रधान सम्पादक, अजय फुयाल र हाम्रो खेलकुदका सम्पादक प्रकाश तिमल्सिनालाई पनि विशेष सम्मान गरिएको थियो।
सो अवसरमा नवीन गिरी, रंजित गिरी,हरिवंश पराजुली,एन पेनाङ्ग फुटबल क्लब मलेसियाका अंकित थापा,हिमालयन फुटबल क्लब मलेसियाका सन्तोष कार्की र नाडाका विवेक विक्रान्त अधिकारीलाई कदर पत्र प्रदान गरिएको थियो।
गृह मन्त्री रमेश लेखक, शसस्त्र प्रहरी महानिरीक्षक राजु अर्याललगायतले अवार्ड, सम्मान प्रदान गरेका थिए।
April 29, 2025
काठमाडौं (हाम्रो खेलकुद)- सशस्त्र प्रहरी बल (एपिएफ) प्रथम बागमती प्रदेश मुख्य मन्त्री कपको सेमिफाइनलमा प्रवेश गरेको छ। नुवाकोटको बट्टारमा जारी प्रतियोगिताको आज भएको क्वाटरफाइनलमा पदमा स्पोर्टस क्लबलाई ४-० ले हराउँदै एपिएफ अन्तिम चारमा पुगेको हो । एपिएफको जितमा अनिता केसीले २ तथा रश्मि कुमारी घिसिङ र गीता रानाले समान १ गोल गरे। खेलको ११ औं […]
April 29, 2025
एजेन्सी- च्याम्पियन्स लिगको सेमिफाइनलको पहिलो लेगमा आज राति आर्सनल र पेरिस सेन्ट-जर्मेन (पिएसजी)बीच प्रतिस्पर्धा हुँदैछ। इमिरेट्स स्टेडियममा खेल नेपाली समयअनुसार राति १२:४५ बजे सुरु हुनेछ। पहिलो पटक च्याम्पियन्स लिग जित्ने दाउमा रहेको आर्सनलको लागि यो महत्वपूर्ण खेल हुनेछ। आर्सनलका प्रशिक्षक मिकेल आर्टेटाले भने, ‘हामीले यस प्रतियोगितामा सम्भवत सबैभन्दा बलियो टिम रियल मड्रिडलाई होम एण्ड अवे […]
April 29, 2025
रविन्द्र वाईबा, हेटौंडा मकवानपुर जिल्ला फुटबल संघले पहिलो पटक महिला राष्ट्रिय गोल्डकप फुटबल प्रतियोगिता आयोजना गर्दैछ। छैटाैँ संस्करणसम्म पुरुष गोल्डकप प्रतियोगिता गर्दै आइरहेको जिल्ला फुटबल संघले यस वर्षबाट पुरुषको ठाउँमा महिला गोल्डकप फुटबल प्रतियोगिता गर्न लागेको हेटौंडामा मंगलवार पत्रकार सम्मेलनमा जानकारी गराइएको छ । एन्फाका केन्द्रीय सदस्य एवम् मकवानपुर जिल्ला फुटबल संघका अध्यक्ष टीका लामाले […]
