एजेन्सी – किलियन एम्बाप्पे रातो कार्ड खाँदै मैदानबाट बाहिरिएको ला‌ लिगाको खेलमा‌ आइतवार रियल म्याड्रिड विजयी भएको छ।

आलाभेसलाई १-० ले पराजित गर्दै रियलले शीर्ष स्थानको बार्सिलोनासँगको अंक दूरी ४ मा झारेको छ ।
रियल पुगेयता एमबाप्पेले पहिलो पटक रातो कार्डको सामना गरेपछि टोली १० खेलाडीमा सिमित भयो ।

३८ औं मिनेटमा एम्बाप्पेलाई सुरुमा एन्टोनियो ब्लान्कोलाई ढिलो ट्याकल गर्दै घुँडामाथि प्रहार गरेपछि पहेँलो कार्ड देखाइएको थियो । तर भिएआरले रेफ्रीले खेलका मुख्य रेफ्री सेजार सोतो ग्राडोलाई पिचसाइड मोनिटरमा घटना हेर्न सुझाव गरेपछि त्यो कार्ड रातोमा परिणत भयो।

त्यो घटनाअघि नै ३४ औं मिनेटमा एदुआर्डो कामाभिङ्गाले पेनाल्टी बक्सको बाहिरबाट शानदार प्रहारमार्फत गोल गर्दै रियल अग्रता लिएको थियो।

रियलका गोलकिपर थिबाउ कोर्ट्वाले आलाभेसका छ वटा प्रहारहरू बचाउँदै उत्कृष्ट प्रदर्शन गरे । आलाभेस पनि ७०औं मिनेटमा मनु सान्चेजले भिनिसियस जुनियरको खुट्टामाथि प्रहार गरेपछि १० खेलाडीमा झर्यो।

भिनिसियस र जुड बेलिङहम बेन्चबाट सुरु गरे। च्याम्पियन्स लिगमा बुधवार आर्सनलविरुद्ध ३-० को खेल उल्ट्याउने योजनासँगै उनीहरुलाई पहिलो रोजाई नपारिएको हुनसक्छ।

प्रशिक्षक कार्लो एन्चेलोटीले दोस्रो हाफमा आक्रमण तीव्र बनाउने लक्ष्यसाथ यी दुई स्टार मैदानमा उतारे । तर उनीहरूले एक मात्र प्रहार गरे । आलाभेसको पाँच प्रहार गरेको थियो ।

एम्बाप्पे निलम्बनका कारण अर्को आइतबार एथलेटिक क्लबविरुद्ध रियलको घरेलु खेल गुमाउने छन्। रियल ११ मेमा बार्सिलोना भ्रमण गर्नेछ, त्यो खेलले उपाधि दौडका लागि थप रोचक बन्न सक्छ।

अन्य खेलमा एथलेटिक क्लबले रायो भालेसानोलाई ३-१ ले र भिल्लारियलले रियल बेटिसलाई २-१ ले पराजित गर्यो।