एजेन्सी – युरोपा लिगको सेमिफाइनल समीकरण पूरा भएको छ।

दुई इंग्लिस टोली म्यानचेस्टर युनाइटेड र टोननहमसहित एथलेटिक क्लब र बोडो ग्लिम्टअन्तिम चारमा पुगेका छन्।

क्वाटरफाइनलको दोस्रो लेगमा बिहीवार  रेन्जर्सलाई २-० ले  हराउँदै स्पेनको एथलेटिक अघि बढेको हो। पहिलो लेगमा गोलरहित बराबरी भएको थियो। टोलीको जितमा ओइहान सान्सेट र निको विलियम्सले गोल गरे ।

बोडो ग्लिम्ट लाजियोलाई पेनाल्टी सुटआउटमा ३-२ हराउँदै अघि बढ्यो। दोस्रो लेगमा लाजियो ३-१ ले विजयी भएपछि समग्रमा ३-३ को बराबरी भएको थियो। पहिलो लेगमा बोडो २-० ले विजयी भएको थियो।

डोमिनिक सोलान्केको गोलमा जर्मनीको आइन्ट्राच्ट फ्र्याङकफर्टलाई १-० ले हराएको टोटेनहम समग्रमा २-१ को अग्रतासहित सेमिफाइनलमा पुगेको छ।

लियोनलाई ५-४ ले हराएपछि समग्रमा ७-६ को अग्रतासहित युनाइटेड अन्तिम चारमा पुगेको हो। पहिलो लेगमा २-२ को बराबरी भएको थियो।

ओल्ड ट्राफोर्डमा निर्धारित समय २-२ को बराबरीमा टुंगिएपछि अतिरिक्त सयम नाटकिय रह्यो । थप समय ५ गोल भएको थियो।

निर्धारित समयमा २-० को अग्रता जोगाउन नसकेको युनाइटेड थप समयमा २ गोलले पछि परेको थियो ।

त्यसमा पनि पुनरागमन गर्दै युनाइटेडले अविश्वसनीय जित दर्ता गर्यो। ह्यारी म्याग्वायरले कासेमिरोको क्रसमा हेड गर्दै अन्तिम मिनेटमा निर्णायक गोल गरे।

सेमिफाइनलमा युनाइटेड र एथलेटिक तथा टोटेनहम र बोडोबीच प्रतिस्पर्धा हुनेछ।