एजेन्सी – इण्डियन प्रिमियर लिग (आइपिएल) मा रोयल च्यालेन्जर्स बैगलुरु (आरसिबी) ले पन्जाब किंग्सलाई ९६ रनको सामान्य लक्ष्य दिएको छ।

वर्षाले प्रभावित खेल ढिला सुरु भयो। २० ओभरको खेललाई १४ ओभरमा घटाइएको थियो। पन्जाबले टस जितेर पहिले फिल्डिङ रोज्यो।

आरसिबीले पहिले ब्याटिङ गर्दै १४ ओभरमा ९ विकेट गुमाउँदै ९५ रन बनायो। तर रोयल च्यालेन्जर्सले निराशाजनक प्रदर्शन गर्यो।

७ विकेट गुमाउँदा उसले मात्र ४२ रन बनायो। अत्यन्त खराब ब्याटिङ गर्दा कुनै पनि खेलाडी क्रिजमा टिक्न सकेनन्।

ओपनर फिल साल्ट ४ रनमा अर्का ओपनर विराट कोहली १ रनमा तथा लायम लिभिङ्स्टन ४ रनमा, जितेश शर्मा २ रनमा क्रुनला पाण्ड्या र मनोज भान्डागे १/१ रनको लज्जास्पद स्कोर‌मा‌आउट भए।

कप्तान रजत पाटिदारले २३ रन बनाए। १८ बल खेल्दै १ चौका र १ छक्का प्रहार गरे। सातौं क्रमका टिम डेबिटले भने रोयल च्यालेन्जर्सलाई अत्यन्त कम योगफलमा समेटिनबाट जिगाए।

डेबिटले २६ बलमा ५ चौका र ३ छक्का प्रहार गर्दै अर्धशतक बनाए। उनी अविजित ५० रनमा क्रिजमा रहे। जसमा अन्तिम ओभरमा डेबिटले २१ रन जोडे। यी दुई बाहेक अन्यले दोहोरो रन छुन सकेनन्।

पन्जाबका बलरहरुको प्रदर्शन सानदार रहयो। अर्षदीप सिंह, मार्को जानसेन,युजभेन्द्र चाहाल र हरपित ब्रारले‌ समान २ विकेट लिए।

आरसिबी र पन्जाबसँग समान ८ अंक रहेको छ। रन रेको आधारमा रोयल च्यालेन्जर्स तेस्रो र पन्जाब चौथो स्थानमा छ।