काठमाडौं (हाम्रो खेलकुद)- एनसेल नेपाल सुपर लिग (एनएसएल) को पहिलो क्वालिफायरमा साविक विजेता ललितपुर सिटी एफसी र दुई पटकको फाइनलिष्ट धनगढी एफसीबीचको खेल जारी छ।

पहिलो हाफ गोल रहित बराबरीमा सकिएको छ। त्रिपुरेश्वरस्थित दशरथ रंगशाला जारी खेलको छैटौं मिनेटमा ललितपुरका क्रेभेन्स बेल्फोर्टले बक्स बाहिरबाट हानेको पावरफुल सट धनगढीका गोलकिपर वालिद बिरोले बचाए।

खेलको १६ औ मिनेटमा ललितपुर १० खेलाडीमा समेटियो। ललितपुरका मणि कुमार लामा र धनगढीका मोहम्मद अल जे बल जित्ने प्रयासमा थिए। धनगढीका मोहम्मदले बल नियन्त्रण लिने क्रममा मणिलाई किक हाने। दुई जना जुधे। मणिले कुनै किसिमको फाउल गरेका थिएनन्। मोहम्मदले मणिले खुट्टाले किक हानेर लागेको नाटक गरेर लडे।

असिस्टेन्ट रेफ्री कुसन कनैयाले रेफ्री उमेश बिडारीलाई सो फाउको बारे जानकरी गराए। रेफ्री बिडारीले ललितपुरका मणिलाई सिधै रातो कार्ड दिए। यो निर्णय प्रति ललितपुतले आपत्ति जनाए पनि मणि मैदान बाहिरिए।

खेलको २६ औं मिनेटमा धनगढीका विवेक पौडेलको लामो थ्रु-पासमा कृतिश रत्न छुन्जुले दुई डिफेन्डरलाई बिट गर्दै गोल किपर जेफ्रि बाल्टोससँगको वान भर्सेस वानमा बक्स भित्रबाट हानेको प्रहार क्रसबार माथीबाट बाहिरियो।

खेलको ४१ औं मिनेटमा दिपेश राईले दिएको बलमा कृतिशको पासमा अहमद हिजाजीले बक्सभित्रबाट हानेको प्रहार आकाशियो। अर्को मौका धनगढीले गुमायो।

पहिलो हाफको इन्जुरी समयमा ललितपुरका क्रेभेन्स बेलफोर्टले बक्स बाहिरबाट हानेको आकर्षक पावरफुल प्रहार थोरैले पोष्ट नजिकैबाट बाहिरियो। पहिलो हाफ गोल रहित बराबरीमा सकियो।

ललितपुर लिग चरणको खेल सकिंदा एक मात्र अपराजित टिम हो। उसले १२ अंक सहित अंक तालिकाको शीर्षस्थानमा रहँदै क्वालिफायर वानमा स्थान बनाएको हो। ११ अंक सहित धनगढी दोस्रो स्थानमा रहँदै क्वालिफायर वानमा पुगेको हो।

यसअघि यी दुई टोलीको ४ प्रतिस्पर्धामा धनगढीले अहिलेसम्म ललितपुरलाफ हराउन सकेको छैन ३ खेलमा बराबरी नतिजा आएको थियो। गत संस्करणको फाइनलमा ललितपुरले धनगढीलाई ३-२ ले हराएको थियो।