काठमाडौं (हाम्रो खेलकुद) – स्टेफन समिर बिनोङको निर्णायक गोलमा दश जनामा समेटिएको पोखरा थन्डर्सले धनगढी एफसीलाई १-० ले हराउँदै फाइनलमा प्रवेश गर्न सफल भएको छ ।

बिनोङले इन्जुरी समयमा गरेको गोलले पोखरालाई पहिलो पटक फाइनलमा पुर्यायो। अब उपाधिको लागि धनगढीले ललितपुर सिटी एफसीको सामना गर्नेछ । लगातारको दुई पटकको फाइनलिष्ट धनगढी भने यो पटक प्ले अफबाट नै बाहिरिन बाध्य भयो।

फाइनल पुग्ने दुवै टिमको लागि यो अन्तिम मौका हो। तर दुवै टिमले पहिलो हाफमा उत्साहजनक प्रदर्शन गर्न सकेनन्। दुवै टिमले गोल गर्ने गतिलो मुभ बनाउन सकेनन्। पहिलो हाफको इन्जुरी समयमा धनगढीका अहमद हिजाजीको पासमा दीपेश राईले बक्सभित्रबाट हानेको पावरफुल प्रहारलाई पोखराका गोल किपर गियाल्मो प्रिसोले बचाए।पहिलो हाफ गोल रहित बराबरीमा सकियो।

खेलको ५९ औं मिनेटमा पोखराका स्टेफन समिर बिनोङले बक्सभित्रबाट हानेको प्रहार क्रस बार नजिकैबाट बाहिरियो।
६४ औं मिनेटमा पनि पोखराले मौका गुमायो‌। आयुष घलानको लङ क्रसमा सुदिल राईलर हेडर पासलाई स्टेफन बिनोङले कनेक्ट गर्न सकेनन्। सो बल भने धनगढीका मोहम्मद अल जेलाई लागेर पोष्ट तर्फ गएको बलालाई धनगढीका गोल किपर वालिद विरोले बचाए। संभावित आत्मघाती गोललाई किपरले रोके।

८१ औं मिनेटमा पनि सुदिल राईको प्रहारमा गोल किपर वालिद बाधक बने। ८३ औं मिनेटमा पोखरा दश जनामा समेटियो। धनगढीका सर्जियो बारबोजालाई गौरव श्रेष्ठले फाउल हाने। रेफ्री प्रज्वल क्षेत्रीले दोहोरो पहेंलो कार्ड पाए। उनी मैदान बाहिरिंदा पोखरा दश जनामा समेटियो।

८८ औं मिनेटमा धनगढीका जर्ज प्रिन्स कार्कीको लङ रेन्ज प्राहारलाई पोखराका किपर प्रिसोले फुत्काए। सो बल अहमद हिजाजीले प्रहार गर्नुअघि नै किोर प्रिसोले कलेक्ट गरे। निर्धारित नब्बे मिनेटको खेल गोल रहित बराबरीमा सकियो।

थप गरिएको ६ मिनेटको इन्जुरी समय पोखराको लागि दुखद रहयो। इन्जुरी समयको तेस्रो मिनेटमा आयुष घलानको लेफ्ट फुटेट कर्लिङ कर्नर प्रहारमा बिनोङको हेडरले सही दिशा लियो । गोलरक्षक वालिदले बललाई हात लगाएपनि पोस्टबाहिर राख्न सकेनन् । यो सँगै पोखरा धनगढीलाई १-० को जार चखाउँदै फाइनलमा पुग्न सफल रहयो ।

धनगढी पहिलो क्वालिफायरमा ललितपुर सिटी एफसी २-१ ले पराजित भएको थियो । तेस्रो संस्करणमा पहिलो पटक धनगढी क्वालिफायरमा हारेको हो । लिग चरणमा भने ३ जित २ बराबरी र १ हार सहित ११ अंक सहित धनगढी दोस्रो स्थानमा रहँदै क्वालिफायरमा पुगेको थियो ।

पोखरा थन्डर्सले भने इलिमिनेटरमा एफसी चितवनलाई ३-० ले हराउँदै दोस्रो क्वालिफायरमा पुगेको हो । लिग देस चरणमा सुरूवाती दुई खेल हारेपछि पोखरा अपराजित रहेको छ ।

शनिबार फाइनल खेल शनिबार हुनेछ ।