एजेन्सी – म्यानचेस्टर सिटीले साउथह्याम्प्टनसँग बराबरी खेलेपछि युइएफए च्याम्पियन्स लिगको छनोट सम्भावना बलियो बनाउने मौका गुमाएको छ ।

साउथह्याम्प्टनको सेन्ट मेरीज स्टेडियममा शनिवारको खेलमा सिटीले धेरै मिहिनेत गरे पनि गोल गर्न सकेन। चोटपछिको फर्किएका एर्लिङ हालान्डले निराशाजनक प्रदर्शन गरे।

साउथह्याम्प्टनले २००७/०८ को सिजनमा डर्बी काउन्टीले बनाएको न्यूनतम ११ अंकको कीर्तिमान पार गर्दै एक अंक जोड्यो।

जेरेमी डोकुलाई दोस्रो हाफमा मैदानमा उतारिएपछि खेल केही प्रतिस्पर्धात्मक बन्यो । उनले बर्नार्डो सिल्भालाई मौका सिर्जना गरिदिए जसलाई ज्याक स्टेफेन्सले राम्रो ब्लक गरे।

ओमार मार्मुसले अतिरिक्त समयमा क्रसबारमा प्रहार गरे। पेप ग्वार्डिओलाको टोलीले कुल २६ प्रहार गरे तापनि कुनै पनि प्रहारलाई गोलमा परिणत गर्न सकेन । यो जुलाई २०२० यता प्रिमियर लिगमा साउथह्याम्प्टनविरुद्धकै २६ प्रहार विना गोल भएको दोस्रो पटक हो।

यो बराबरीसँगै सिटी ६५ अंकसहित तालिकाको तेस्रो स्थानमा रह्यो र छैटौँ स्थानको नटिंघम फरेस्टभन्दा ४ अंकले अगाडि छ। उनीहरू शीर्ष पाँचमा स्थान सुरक्षित गर्ने लक्ष्यमा छन्। तालिकाको पुछारको साउथह्याम्प्टन १२ अंक पुगेको छ।

प्रिमियर लिगका अन्य खेलमा एभर्टनले फुलहमलाई ३-१ ले, ब्राइटनले उल्भ्सलाई २-० ले र ब्रेन्टफोर्डले इप्स्विच टाउनलाई १-० ले हरायो।