काठमाडौं (हाम्रो खेलकुद) – साफ यू१९ च्याम्पियनसिप अन्तर्गत समूह चरणको खेलमा आज नेपालले श्रीलंकाको सामना गर्दैछ । खेल नेपाली समयअनुसार साँझ ७:४५ बजे हुनेछ ।

भारतको अरुणान्चलस्थित गोल्डेन जुबिली रंगशालामा हुने खेलमा नेपालले जित दर्ता गरे सेमिफाइनलमा स्थान पक्का गर्नेछ । नेपाल सम्मिलित समूह बी मा आयोजक भारत र श्रीलंका रहेका छन् । पहिलो खेलमा भारतले श्रीलंकालाई ८-० ले हराएको थियो । नेपालले मंगलबार भारतको सामना गर्नेछ ।

यस्तै समूह ए मा बंगलादेश र माल्दिभ्सले पहिलो खेलमा २-२ को बराबरी खेलेका थिए । आज साँझ ४:१५ बजे हुने खेलमा बंगलादेश र भुटान खेल्नेछन् ।

दुवै समूहको शीर्ष २ टोलीले सेमीफाइनल खेल्नेछन् । नेपालले सन् २०१५ मा भएको पहिलो संस्करण र सन् २०१७ को यू१८ उमेर समूहको संस्करण जितेको थियो । पछिल्लो पटक भने नेपाल फाइनलमा बंगलादेशसँग पराजित भएको थियो ।

नेपालको कप्तानी राम थापाले गर्दैछन् । टोलीको प्रशिक्षकमा उर्जन श्रेष्ठ रहेका छन् ।

अन्तिम टोली :

गोलरक्षक : भक्त बहादुर परियार, उपेन्द्र ल्वागुन, विशेष बानिया

डिफेन्डर : रोशन तामाङ, रोहन मोक्तान, प्रशान्त मोक्तान, कुशाहाङ नेम्बाङ, मदन पौडेल, राम थापा, विजय उर्बा, सिद्धान्त खड्का

मिडफिल्डर : कृष्ण बहादुर आले, कृष थापा मगर, सरोज दर्लामी, लछु थापा, सबिन कुमारी लुन्गेली मगर, रञ्‍जित लामा, सुबाश बम, विज्ञान खड्का

फरवार्ड : पवन पाख्रिन, धर्वेन्द्र कुँवर, सुजन डंगोल, प्रसुन तामाङ