दिपक न्यौपाने
बुटवल– त्रिभुवन आर्मी क्लब १९ औं तिलोत्तमा गोल्डकप फुटबल प्रतियोगिताको फाइनलमा पुगेको छ । आयोजक रुपन्देही ११ लाई टाइब्रेकरमा बिहीबार ४–२ ले हराउँदै आर्मी अन्तिम दुई मा पुगेको हो । गत बर्षको फाइनलमा आर्मीलाई ३–१ ले हराउँदै अग्नी रुपन्देही ११ ले उपाधि जितेको थियो । अब आर्मीले शनिबार हुने फाइनलमा सिएजमी क्लब संकटाको सामना गर्ने । आर्मी र संकटाको यो बर्षको तेस्रो फाइनल हुनेछ । यसअघि नेपाल कप र रुस्लान सिमरा गोल्डकप दुवैको फाइनलमा संकटाले आर्मीलाई हराएको थियो ।

एन्फा टेक्निकल सेन्टरमा निर्धारित ९० मिनेट र थप २० मिनेट समय गोलरहित बराबरीमा टुंगिएपछि खेलको निर्णय टाइब्रेकरमा भएको थियो । टाइब्रेकरमा आर्मीका गोलकिपर शुसील श्रीवास्तवले सामसनको पेनाल्टी खुट्टाले रोकेका थिए भने त्यसअघि अर्का विदेशी खेलाडी एम ग्याबोलाको पेनाल्टी खेर गएको थिए । उनको प्रहार बाहिरिएको थियो ।
आर्मीका लागि हिरण्य मगर, राजु तामाङ, विवेक बस्नेत र दीप लामा सबैले गोल गरे । रुपन्देहीका लागि सौरभ मगर र उत्तम गुरुङले मात्र गोल गर्न सके ।
रुपन्देहीका दीपक राईले पहिलो र दोस्रो हाफमा एक एक मौका खेर फाले । रुपन्देहीका गोलकिपर दीलिप क्षेत्रीले आर्मीका कम्तीमा तीन वटा प्रहार विफल पारेका थिए ।
बुधबार हिमालयन शेर्पा क्लबलाई २–१ ले हराउँदै संकटा फाइनल पुगेको थियो । पुसमा हेटौैडामा भएको टुबोर्ग गोल्डकप फुटबल प्रतियोगिताको उपाधि जितेयता आर्मीले अर्को उपाधि जितेको छैन । गत महिनाको अन्त्यमा टोली रुस्लान सिमरा गोल्डकपको फाइनलमा संकटासँगै पराजित भएको थियो । त्यस्तै टोली झापामा पनि सेमिफाइनल भन्दा अघि बढ्न सकेन ।
यसै महिनाको सुरुआतमा रुपन्देहीले भने बर्षको पहिलो उपाधिका रुपमा रमपम उदयपुर गोल्डकप फुटबल प्रतियोगिताको उपाधि जितेको थियो । त्यसपछि १९ औं बुढासुब्बा रेडबुल गोल्डकप खेल्न धरान पुगेको रुपन्देही सेमिफाइनलभन्दा अघि बढ्न सकेन ।
यहाँ भने आर्मी भारतको युनाइटेड सिक्किमलाई ८–० ले हराउँदै यात्रा सुरु गरेको थियो भने क्वार्टरफाइनलमा अर्को विभागिय टोली नेपाल पुलिस क्लबलार्य ३–१ ले निराश पारेको थियो । सोझै क्वार्टफाइनल खेलेको रुपन्देहीले धरान एफसीलाई २–१ ले हराएर अन्तिम चारको यात्रा तय गरेको थियो ।

मोसफलकै प्रतिष्ठित गोल्डकप मध्येको एक तिलोत्तमा २०३३ सालबाट सुरु भएपनि पटक पटक आर्थिक अभाव र अन्य कारणले रोकिने गथ्र्यो । गत बर्षबाट प्रतियोगिताले पुनः निरन्तरता पाएको छ । यसपटक प्रतियोगितालाई अग्नी सिमेन्टले मुख्य प्रायोजन गरेको छ ।
बुटवल उप महानगरपालिकाको संरक्षणमा संचालन हुने प्रतियोगितालाई करेन्ट मसला र हुवाइ मोबाइल सहयोग प्रायोजन गरेका छन् । त्यस्तै अखिल नेपाल फुटबल सघं ९एन्फा०, राष्ट्रिय खेलकुद परिषद ९राखेप० र रुपन्देही जिल्ला विकास समिति प्रतियोगिताको विशेष सहयोगीका रुपमा रहेका छन् । तिलोत्तमा गोल्डकपको विजेता टोलीले उपाधिसहित ५ लाख ५५ हजार ५ सय ५५ रुपैयाँ प्राप्त गर्नेछ ।