3 weeks ago
June 26, 2025
सुशील पन्त क्षेत्री, चितवन
डन एकेडेमी भरतपुर मेयर कप अन्तर विद्यालय फुटबल प्रतियोगिताको फाइनलमा प्रवेश गरेको छ । आज पहिलो सेमिफाइनलमा आदिकवि भानुभक्त माविलाई हराउँदै डन एकेडेमी उपाधि नजिक पुगेको हो ।
भरतपुर ७ कृष्णपुरको मैदानमा भएको प्रतिस्पर्धात्मक खेलमा डन टाइब्रेकरमा ३-० ले विजयी भयो । उसको जितमा गोलकिपर राघव बराकोटी नायक बने । उनले टाइब्रेकरमा भानु माविको लगातर दुई प्रहार बचाएका थिए ।
टाइब्रेकरमा भानु माविको पहिलो प्रहार क्रस बारमा लागेको थियो भने दोस्रो र तेस्रो लगातार दुई प्रहार डनका किपरले रोकेका थिए ।
त्यस अघि निर्धारित समयको खेल गोलरहित बराबरीमा सकिएको थियो । निर्धारित समयमा भानु माविले तुलनात्मक रुपमा बढी मौका पाए पनि सदुपयोग गर्न भने सकेन ।
डनका गोलकिपर राघव प्लेयर अफ दि म्याच भए । उनी लगातार क्वाटरफाइनल र सेमिफाइनलमा प्लेयर अफ दि म्याच भएका हुन् ।
डनले अब उपाधिका लागि दोस्रो सेमिफाइनलको विजेतासँग खेल्नेछ । दोस्रो सेमिफाइनलमा भोलि वाल्मीकी शिक्षा सदन र जनज्योति मावि भिड्नेछन् । खेल दिउँसो ४ बजे सुरु हुनेछ ।
चितवन जिल्ला फुटबल संघको आयोजना तथा भरतपुर महानगरपालिकाको प्रवर्द्धनमा जारी प्रतियोगिताको फाइनल खेल असार १६ गते हुनेछ ।
July 19, 2025
काठमाडौं (हाम्रो खेलकुद)- डेनमार्कमा आयोजना हुने डाना कपमा फुटबल प्रतियोगिता काष्ठमण्डप विधालय र लुम्बिनी फुटबल एकेडेमीले प्रतिस्पर्धा गर्ने भएको छ। काष्ठमण्डले यु-१४ तथा लुम्बिनीले यु-१६ समूहमा प्रतिस्पर्धा गर्ने बताइएको छ। दुई टोलीमा २० खेलाडी र ३ अफिसियल गरि २३ सदस्यीय छ । सन्तोष न्यौपानेले काष्ठमण्डप र विजय महर्जनले लुम्बिनीलाई प्रशिक्षण दिएका छन्। टोली शनिवार त्यसतर्फ […]
July 19, 2025
काठमाडौं (हाम्रो खेलकुद)- बेल्जियन प्याट्रिक डे वाइल्डले नेपाली महिला राष्ट्रिय फुटबल टोलीको मुख्य प्रशिक्षकबाट राजीनामा दिएका छन्। उज्वेकिस्तानमा एसियन कप छनोट खेल्न गएपछि विकास भएको घटना क्रमले डे वाइल्ड नेपाल फर्कने सम्भावना कम रहेको आंकलन गरिएको थियो। मुख्यतः कप्तान छनोटका विषयमा डे वाइल्ड र व्यवस्थापनबीच चर्को विवाद भएपछि राष्ट्रिय टोलीको अव्यवस्था छताछुल्ल भएको थियो। उज्वेकिस्तानबाट […]
July 19, 2025
काठमाडौं (हाम्रो खेलकुद)- प्रशिक्षणमा रहेको राष्ट्रिय यू-२३ फुटबल टोलीलाई ४० बाट ३२ खेलाडीमा सिमित गरिएको छ। टोलीका मुख्य प्रशिक्षक नविन न्यौपानेले विभिन्न चरणपछि खेलाडी छनोटको संख्या ३२ मा ल्याएको अखिल नेपाल फुटबल संघ (एन्फा) ले जनाएको छ। टोली आगामी एएफसी यू-२३ एसियाली कप छनोटको तयारीमा जुटिरहेको छ। प्रतियोगिता सेप्टेम्बर ३ देखि ९ सम्म ताजिकिस्तानमा हुनेछ। […]
