एजेन्सी – लियोनेल मेस्सीको मेजर लिग सकर (एमएलएस ) मा लगातार ५ खेलसम्म २ गोल गर्दै कीर्तिमान बनाएका थिए।

त्यसले बुधवारको खेलमा निरन्तरता पाउन सकेन । उल्टो मेस्सीसम्मिलित  इन्टर मियामी एफसी सिन्सिनाटीसँग ३-० ले पराजित भएको छ।

३८ वर्षीय अर्जेन्टिनी स्टार फरवार्ड मेस्सीले लगातार ५ खेलमा समान २ गोल गर्दै मियामीका लागि गोल संख्या १६ पुर्‍याएका थिए।

त्यो अवधिमा  मियामीले ४ जित र १ बराबरी गरेको थियो। मेस्सीले यसअघि सन् २०१२ मा बार्सिलोनाबाट खेलेको समयमा लगातार ५ खेलमा २ वा त्यो भन्दा बढी गोल गरेका थिए।

तर सिन्सिनाटीविरुद्ध मियामीले जम्मा दुईवटा फ्रेममा प्रहार गर्न सकेको थियो। अमेरिकी २० वर्षीय मिडफिल्डर जेरार्डो भ्यालेन्जुएलाले खेलको १६औं मिनेटमा सिन्सिनाटीका लागि गोलको खाता खोले।

ब्राजिली स्ट्राइकर इभ्याण्डरले ५०औं मिनेटमा दोस्रो गोल  र ७०औं मिनेटमा अर्को गोल गर्दै घरेलु टोलीलाई जित दिलाए । 

मियामी (११ जित, ४ बराबरी, ५ हार) को  ३८ अंक छ । इस्टर्न कन्फ्रेन्समा मियामी पाँचौं स्थानमा छ र  शीर्षस्थानको फिलाडेल्फियाभन्दा ८ अंकले पछाडि छ।

फिलाडेल्फियाले मोंट्रियाललाई हराएर सिन्सिनाटीभन्दा १ अंकले अगाडि रहँदै तालिकाको शीर्ष स्थानमा छ।
शीर्ष २ टोली भन्दा मियामीले ३ खेल कम खेलेको छ । सबै खेल जितेमस मियामीमा शीर्ष स्थानमा पुग्नेछ।