सौरभ गिरी
नेपालगञ्ज – साविक विजेता सुदूरपश्चिमाञ्चल ११ ले जितका साथ टुबोर्ग नेपालगञ्ज गोल्ड कप फुटबल प्रतियोगिताको सुरुआत गरेको छ । नेपागञ्ज रंगशालामा बिहीबार भएको उद्घाटन खेलमा भारतको दिल्ली युनाइटेडलाई १–० ले हराउँदै सुदूरपश्चिमाञ्चलले अन्तिम चारको यात्रा तय गरेको हो ।

विदेशी खेलाडी आरोनले २२ औं मिनेटमा गरेको गोल नै सुदूरपश्चिमलाई सेमिफाइनल पुग्न पर्याप्त रह्यो । दिल्लीका डन लेप्चा म्यान अफ दी म्याच घोषित भएका थिए । नक आउटका आधारमा सञ्चालित प्रतियोगिताको उद्घाट अखिल नेपाल फुटबल संघ (एन्फा) का अध्यक्ष नरेन्द्र श्रेष्ठले गरेका थिए ।

अध्यक्ष श्रेष्ठले मध्यपश्चिम क्षेत्रकै शानका रुपमा गोल्ड कप भएकाले त्यसलाई सफल सबैले सहयोग गर्नुपर्नेमा जोड दिए । दुई बर्षपछि मध्यपश्चिमले आठौ राष्ट्रिय खेलकुद आयोजनाको जिम्मेवारी पाएको प्रसंग उल्लेख गर्दै उनले गोल्डकपले प्रचार प्रसारका लागि पनि सहयोग पुग्ने विश्वास व्यक्त गरे ।

८ टोलीको सहभागिता रहेको प्रतियोगिताको विजेताले ५ लाख र दोस्रो हुने टोलीले २ लाख ५१ हजार रुपैयाँ प्राप्त गर्नेछ । प्रतियोगितामा झन्डै २७ लाख रुपैयाँ खर्च हुने अनुमान गरिएको आयोजक बाँके जिल्ला फुटबल संघका अध्यक्ष भोजराज शाहीले बताए ।

टुबार्ग नेपालगञ्ज गोल्ड कपमा शुक्रबारको खेल
नेपाल पुलिसविरुद्ध नेपालगञ्ज ११