काठमाडौँ (हाम्रो खेलकुद) – एएफसी एसियन कप छनोट अन्तर्गत आगामी चैत १५ गते हुने फिलिपिन्स विरुद्धको खेलका लागि जापानिज प्रशिक्षक ग्योतोकु कोजीले शुक्रबार अन्तिम नामावली घोषणा गरे।
२७ खेलाडी सम्मिलित दोश्रो चरणको नामवली बाट ७ खेलाडी अन्तिम चरणमा पर्न सकेनन। यसअघी ३६ खेलाडीको प्रारम्भिक छनोटबाट ९ खेलाडी घटाइएको थियो। राष्ट्रिय टोलीका नियमित कप्तान अनिल गुरुङ करिब एक दशकको राष्ट्रिय टोलीको यात्रापछि पहिलोपटक अन्तिम छनोटमा परेनन्।
उनीसंगै गोलरक्षक एलेन न्यौपाने, मिडफिल्डर मानबहादुर तामाङ, राजेन्द्र रावल र नवप्रवेशी डिफेन्डर विमल बस्नेत टोलीमा पर्न सकेनन्। डिफेन्डर देवेन्द्र तामाङ र मिदिफिल्डर सुमन लामा भने चोटका कारण अन्तिम २०मा अटाएनन्।
