मिडल्सब्रो (एजेन्सी)– प्रिमियर लिगमा ६ सयौं खेल जित्ने म्यानचेस्टर युनाइटेड पहिलो क्लब बनेको छ । आइतबार मिडल्सब्रोलाई ३–१ ले हराउँदै युनाइटेडले कोसेढुंगा पार गरेको हो ।

३० औं मिनेटमा एस्ले योङको पासमा माराउने फिलानीले नजिकबाट हेड गोल गर्दै युनाइटेडलाई अग्रता दिलाएका थिए । हुवा माटाको पासमा जेसी लिनगार्डले ६२ औं मिनेटमा दोस्रो गोल गर्दै युनाइटेडको अग्रतालाई दोब्बर पारे । खेल सकिन १३ मिनेट बाँकी रहँदा रुडी गेसटेडेले गोल फर्काउँदै युनाइटेडमाथि मिडल्सब्रोले दबाब बढाउने कोसिस गरेका थिए । तर इन्जुरी समयको तेस्रो मिनेटमा एन्टोनियो भ्यालेन्सियाले गोल गर्दै युनाइटेडको जित पक्का गरे ।

जितपछि आर्सनल(५० अंक) लाई पछि पार्दै युनाइटेड (५२ अंक) पाँचौं स्थानमा उक्लेको छ । मिडल्सब्रो अंकतालिकामा पुछारबाट दोस्रो स्थानमा छ ।