पोर्चुगल (एजेन्सी) – विश्व कप युरोप छनोट चरण अन्तर्गत आज पोर्चुगलले घरेलु मैदानमा हंगेरीको सामाना गर्दै छ । समूह ‘बी’ अन्तर्गत घरेलु मैदानमा पोर्चुगलले जित निकाल्न सके सन् २०१८ मा रुसमा हुने विश्व कपमा स्थान बनाउने सम्भावना थप मजबुद हुनेछ ।

पोर्चुगलले छनोटका ४ मध्ये ३ खेल जितेको छ । ९ अंकसहित पोर्चुगल दोस्रो र ७ अंकसहित हंगेरी तेस्रो स्थानमा छ । पोर्चुगलका क्रिस्टियानो रोनाल्डोले ३ खेलमा ७ गोल गरेका छन् । रोनाल्डोसंगै पोल्यान्डका रोर्बेट लेवान्डोवस्की हालसम्म छनोट चरणको सबै भन्दा धेरै गोल गर्ने खेलाडी हुन् ।

नौ समुह रहेका युरोपेली छनोटमा हरेक समूहको शिर्ष टोली विश्वकपमा छनोट हुनेछन् । त्यस्तै उत्कृष्ट ८ उपविजेताले पनि विश्वकपमा प्रवेश पाउनेछन् ।

१९३४ मा पहिलो पटक विश्व कपमा सहभागिता जनाएको हंगेरीले ८ पटक फुटबलको महाभिडन्तमा उपस्थिति जनाएको छ । पोर्चुगलले भने ७ पटक विश्व कपमा सहभागिता जनाएको छ ।

आजका अन्य खेलहरु

समूह ‘ए’ – स्वीडेनविरुद्ध बेलारुस , बुल्गेरियाविरुद्ध नेदरल्यान्ड्स , लग्जेमबर्गविरुद्ध फ्रान्स

समूह ‘बी’- एन्डोराविरुद्ध फरोए आइल्यान्ड , स्विट्र्जल्यान्डविरुद्ध लाटभिया

समूह ‘एच’- ( बोस्नियाविरुद्ध गिब्रेल्टार , साइप्रसविरुद्ध इस्टोनिया, बेल्जियमविरुद्ध ग्रिस