ए.एफ.सी यु१९ च्याम्पिएनसिपको छनोट चरणको पहिलो खेलमा इरानसंग १०-०को फराकिलो अन्तरले हार व्यहोरेपछि प्रशिक्षक बालगोपाल महर्जनले विपक्षी टोली एकदमै बलियो भएको प्रतिक्रिया दिएका छन्|
बालगोपाल महर्जन(नेपाली प्रशिक्षक)
खेलको सुरुवातमै दुई गोल खाएपछि खेलको दिशानै मोडिएको कुरा महर्जनले खेलपछि भएको पोष्ट म्याच कन्फरेन्समा बताए| “शारिरिक र प्राविधिक रुपमा बलियो रहेको इरानसंग खेल अवधिभर नेपाल दवावमा रह्यो| सकेसम्म कम गोल खाने हाम्रो लक्ष्य थियो|” महर्जनले भने|
आगामी खेल कुवेतसंग खेलमा नेपाली टोलीले राम्रो प्रदर्शन गर्ने पनि प्रशिक्षकले भने| “कुवेत पनि राम्रो टोली हो, तर हामीले आजको खेल भन्दा सुधारिएको प्रदर्शन गर्नैपर्छ|” बालगोपालले भने|
नेपालले आइतबार नेपाली समयअनुसार साँझ ६:१५ बजे कुवेतसंग खेल्नेछ| खेलको प्रत्यक्ष प्रशारण हाम्रो खेलकुदमा हेर्न सक्नुहुनेछ|
