ए.एफ.सी यु१९ च्याम्पिएनसिपको छनोट चरणको दोश्रो खेलमा नेपालले कुवेतको सामना गर्दै छ|
पहिलो खेलमा इरानसंग १०-०को फराकिलो अन्तरले पराजित भएको नेपालको छनोट हुने सम्भावना अझै पनि कायम नै छ| बाँकि रहेको दुई खेल कुवेत र जोर्डन विरुद्ध ठुलो अन्तरको जित हात पारे नेपाल अघि बढ्न सक्नेछ|
समुहको शुक्रबार भएको अर्को खेलमा कुवेतले जोर्डनलाई २-१ गोलअन्तरले हराएको थियो|
जोरेडन विरुद्ध जिक हात पारेको कुवेति टोली नेपाललाई हराएर छनोट पक्का गराउनतर्फ अग्रसर हुनेछ भने नेपाल प्रतियोगितामा छनोटको झिनो आशा जगाउन प्रयासरत हुनेछ|
प्रतियोगिताको नियम अनुसार समुह विजेता र उत्कृष्ट पाँच उपविजेता अन्तिम चरणमा सहभागि हुन पाउनेछन्| अन्तिम चरणको प्रतियोगिता आगामी २०१६मा बहराइनमा हुनेछ| नेपालले आइतबार नेपाली समयअनुसार साँझ ६:१५ बजे कुवेतसंग खेल्नेछ| खेलको प्रत्यक्ष प्रशारण हाम्रो खेलकुदमा हेर्न सक्नुहुनेछ|
