मनिला (हाम्रो खेलकुद) – एएफसी एसियन कप छनोट अन्तर्गत तेस्रो चरणको खेलमा भोलि नेपाल र फिलिपिन्स भिड्दै छन। जापानिज प्रशिक्षक ग्योतोकु कोजीसंगै राजु काजी शाक्य र उज्वल मानन्धरको प्रशिक्षण टोलीले नेपाली टोलीलाई हाल प्रशिक्षण दिइरहेको छ। नेपालले भोलि नेपाली समय अनुसार बेलुकी पौने ६ बजे रिजाल मेमोरियल स्टेडियममा घरेलु टोलीको सामना गर्नेछ।
खेलअघि भएको पत्रकार सम्मेलनमा बोल्दै नेपाली टोलिका प्रमुख प्रशिक्षक ग्योतोकु कोजीले फिलिपिन्स माथिल्लो स्तरको टोली भएतापनि आफ्नो टोली उसलाई टक्कर दिन सक्षम रहेको दाबी गरेका छन । प्रशिक्षक कोजीले सन्तुलित नेपाली टोलीले आफ्नो क्षमता अनुसार खेल्न सके घरेलु टोलीविरुद्द तीन अंक खोस्न सक्ने बताए।
