फ्रान्स (एजेन्सी)– विश्वमा अहिले चर्चामा रहेका फुटबलका दुई खेलाडी रियाल मड्रिडका क्रिस्टियानो रानोल्डो र बार्सिलोनाका लियोनल मेस्सीमध्ये कसको कमाई बढी छ भन्ने उनीहरुका समर्थकलाई पक्कै चासो रहन्छ ।
पछिल्लो एउटा समाचारले मेस्सीका समर्थकलाई भने केही खल्लो बनाउन सक्छ । पोचुर्गल फुटबल टोलीका कप्तान रहेका रोनाल्डोले सन् २०१६/०१७ को सिजनमा कमाईमा अर्जेन्टिनाका कप्तान मेस्सीलाई पछाडि पारेका छन् ।
मासिक पारिश्रमिक, बोनस, विज्ञापन र प्रायोजन रकमको आधारमा गरिएको विश्लेषण अनुसार रोनाल्डोले यो सिजन झन्डै ८८.५ मिलियन युरो (९ अर्ब ४० करोड नेपाली रुपैयाँ) बराबर कमाएका छन् । मेस्सीले कमाई भने यो सिजन ७६.५ मिलियन युरो (८ अर्ब ६० करोड नेपाली रुपैयाँ ) रह्यो ।
त्यस्तै बार्सिलोनाका नमारले ५५.५ मिलियन युरो कर्मा सहित तेस्रो र चौथोमा रियलका बेल (४१ मिलियन युरो) रहेका छन् । हाल चाइनिज सुपर लिगमा खेलिरहेका पिएसजीका लाभेजीले यो सिजन २८ मिनियन युरो कमाए ।
त्यस्तै २८ मिलियन (३ अर्ब १६ करोड नेपाली रुपैयाँ) कमाएका म्यानचेस्टर युनाईटेडका प्रशिक्षक जोजे मोरिन्हो सबै भन्दा धेरै कमाउने प्रशिक्षक बनेका छन् ।
