7 years ago
March 28, 2017
काठमाडौं (हाम्रो खेलकुद)– बंगलादेशमा जारी इमर्जिङ नेसन्स कप क्रिकेटमा नेपालले लगातार दोस्रो हार बेहोरेको छ । नेपाल मंगलबार आयोजक बंगलादेशको यू २३ सँग ८३ रनले पराजित भएको हो । पहिलो खेलमा नेपाल सोमबार पाकिस्तानसँग ६ विकेटको पराजय भोगेको थियो । नेपाल लगातार दोस्रो हारसँगै प्रतियोगिताबाट बाहिरिएको छ । अर्को खेलमा सोमबार पाकिस्तानले हङकङलाई २ सय […]
काठमाडौं (हाम्रो खेलकुद)– बंगलादेशमा जारी इमर्जिङ नेसन्स कप क्रिकेटमा नेपालले लगातार दोस्रो हार बेहोरेको छ । नेपाल मंगलबार आयोजक बंगलादेशको यू २३ सँग ८३ रनले पराजित भएको हो । पहिलो खेलमा नेपाल सोमबार पाकिस्तानसँग ६ विकेटको पराजय भोगेको थियो । नेपाल लगातार दोस्रो हारसँगै प्रतियोगिताबाट बाहिरिएको छ ।
अर्को खेलमा सोमबार पाकिस्तानले हङकङलाई २ सय ४८ रनको भारी अन्तरले हराएको छ । नेपालसँगै हङकङ प्रतियोगितबाट बाहिरिएका छन् भने समान दुई खेल जितेका पाकिस्तान र बंगलादेश एकअर्काको सामना गर्नुअघि नै अन्तिम चारमा पुगेका छन् । बाहिरिएका नेपाल र हङकङबीच बिहीबार प्रतिस्पर्धा हुनेछ ।
२ सय ५८ रनको लक्ष्य पछ्याएको नेपालका लागि दिपेन्द्र सिंह ऐरी, दीलिप नाथ र विनोद भण्डारी बाहेक कुनै पनि ब्याट्सम्यान चल्न नसकेपछि टोली ४३.३ ओभरमा अलआउट भएको थियो ।
विश्व क्रिकेट लिग च्याम्पियनसिपअन्तर्गत गत महिना केन्यालाई ७ विकेटले हराएको खेलमा अर्धशतक पुरा गरेका युवा खेलाडी दिपेन्द्रले बंगलादेशविरुद्ध पनि अर्धशतक पुरा गरेका थिए । उनले ८५ बल खेल्दै ६ चौकाका साथ ५६ रन बनाएका थिए ।
दीलिपले ६२ बलमा ३ चौका र १ छक्कासहित ४१ रन जोडे । विनोदले २३ बलमा ६ चौका र १ छक्का साथ ३३ रन जोडे । आसिफ शेखले १२ र महबुब आलमले रन जोडे भने अन्य कुनै पनि खेलाडीले दोहारो आँकडामा रन जोड्न सकेनन् ।
कप्तान ज्ञानेन्द्र मल्लले खाता खोल्न सकेनन् भने सुनिल धमालले १, शरद भेषावकरले २ , भुवन कार्कीले ६, सन्दीप लामिछानेले ३ र अभिनाष कर्णले १ रन बनाए । बंगलादेशका राहतुल फेडुस जाभेले ४, सैफ उड्डिनले ३ र अबुल हसन राजुले २ विकेट लिए ।
त्यसअघि टस जितेको नेपालले आयोजक बंगलादेश यू २३ लाई ब्याटिङका लागि आमन्त्रण गरेको थियो । तेस्रो ओभरमै महत्वूर्ण दुई विकेट गुमाएपछि विस्तारै सम्हालिएको प्रदर्शन गरेको बंगलादेशको युवा टोलीले निर्धारित ५० ओभरमा ९ विकेट गुमाएर २ सय ५७ रन बनाएको थियो ।
मध्यक्रमका ब्याट्सम्यान नासिर हुसेनले अविजित शतक बनाएपछि टोलीले नेपालविरुद्ध ठूलो स्कोर खडा गरेको थियो । नासिरले १ सय १५ बलमा १२ चौका र २ छक्कासाथ अविजित १ सय ९ रन बनाए । टोलीका कप्तान मोमिनुल हकले पनि अर्धशतक पुरा गरेको खेलमा अन्य ब्याट्सम्यानको प्रदर्शन भने उल्लेख रहेन ।
मोमिनुलले ७८ बलमा ७ चौकासहित ६१ रन जोडे । अबु हसन राजाले ३०, अफिफ हुसेनले १४, सैफ उडिड्नले १३ रन बनाए । नेपालका लागि अभिनाश कर्णले ३ ,सन्दीप लामिछानेले २ तथा महबुब आलम, दिपेन्द्र सिंह ऐरी र कप्तान ज्ञानेन्द्र मल्लले समान १ विकेट लिए ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]