राष्ट्रिय लिगमा आज नेपाल पुलिस क्लब र मोरङ फुटबल क्लब खेल्दै छन्|
Arko.Asia
सातदोबाटो स्थित एन्फा कम्प्ललेक्सको एष्ट्रो टर्फमा जारी लिगमा आज अंक तालिकाको पुछारमा रहेको मोरङ लिगको पहिलो जित हात पार्ने दाउमा छ भने पुलिस तिन अंक बटुलेर लिगको अन्त्य सुखद पार्ने सोचमा हुनेछ|
चोटले सताएको पुलिस टिमले यो लिगमा त्यति राम्रो प्रदर्शन गर्न सकेको छैन| पहिलो रोजाईका अधिकांश खेलाडी विनानै लिग खेलिरहेको पुलिसले यस खेलमा पनि कुनै खेलाडी फिर्ता पाउने छैन|
मोरङले एष्ट्रो टर्फमा दुईदिनअघि मात्र पहिलो खेल खेलेको थियो र सो खेलमा अर्को विभागिय टोली आर्मीले ७-०को फराकिलो जित हात पारेको थियो| थ्रि स्टारसंग मोरङमा भएको खेलपछि भएको घटनामा संलग्न भएको भन्दै एन्फाले ३ खेलाडीलाई डेढ वर्ष निलम्बन गरेपछि मोरङको टोली त्यति मजबुत छैन| यु१९ टोलीसंगै इरान पुगेका डिफेन्डर छिरिङ गुरुङ र मिडफिल्डर डोना थापाको अभाव पनि टोलीलाई हुनेछ|
आर्मीसंगको खेलमा चोटका कारण परिवर्तन भएका गोलकिपर किशोर गिरि खेल्ने नखेल्ने खुलेको छैन| किशोर मोरङका लागि यो लिगमा उत्कृष्ट प्रदर्शन गर्ने मध्य एक हुन| मनाङलाई ०-०को बरीबरी र झापालाई १-०ले हराउँदा किशोरको उल्लेखनिय योगदान रहेको थियो|
यसो त पुलिसका लागि पनि यु१९ टोलीसंग रहेका राम चन्द्र वजी उपलब्ध हुने छैनन् तर योगेश श्रेष्ठको पुनरागमनले टोलीको अाक्रमणमा केहि मजबुति भने थपेको छ|
खेल दिनको साँढे दुई बजे एन्फा कम्पलेक्समा हुनेछ|
