काठमाडौं, असोज १७ गते ।
आज सातदोबाटो स्तिथ एन्फा कम्प्लेक्समा भएको राष्ट्रिय लिगको खेल मा नेपाल पुलिस क्लब र मोरङ एफसिले बराबरी खेलेका छन । मोरङले खेलको अन्तिम मिनटमा बराबरी गोल गरेपछी पुलिस राष्ट्रिय लिग पुन: सुचारु भएपछी हासिल गर्न लगेको पहिलो जीतबाट बन्चित भयो ।
नेपाल पुलिस क्लबका ३ जना खेलाडी चोट बाट फर्के पनि कुनै जादु देखाउन सकेन र लिग को अन्तिममा रहेको मोरङ सँग पनि ड्र खेल्न बाध्य भयो । सुमन सुबेदि, सुरज बिक र योगेश श्रेष्ठले लिगमा पुनरगामन गरेका थिए । पहिलो हाल्फ बाटनै खल्लो देखिएको खेल मा पहिलो हाल्फ निरशाजनक देखिएको थियो, दुबै टोलिले कुनै गोल गर्न सकेनन । दोस्रो हाल्फ मा भने खेल केहि रोमान्चक देखियो, खेलको ६०औं मिनटमा अजित भण्डारीको गोल रेफ्रीले अफसाइड दिएपनी त्यस्को १६ मिनट पछी योगेशले प्रहार गरेको बल सुरेन खवासलाई छुदै गोल भयो र पुलिसले आग्रता लियो । तर ९० मिनट पछी थपिएको ३ मिनटको पहिलो मिनटमा गोल गर्दै राज कुमार पौडेलले खेल १-१ को बराबरीमा पुराए ।
खेलको म्यान अफ द म्यात्च मोरङका राज कुमार पौडेल घोषित भए ।
