फिफाका अध्यक्ष सेप ब्लाटरलाई अनुशासन समितिले ९० दिनका लागि निलम्बन गरेको छ|
गत साता ब्लाटरविरुद्ध स्विट्जरल्यान्डमै अपराधिक अनुसन्धान सुरु भएपछि अनुशासन समितिले यो कदम चालेको खुल्नमा आएको छ| औपचारिक रुपमा घोषणा आउन बाँकि रहेको यस खबरको पुष्टि ब्लाटरका सल्लाहकार क्लास स्टाकरले गरेका हुन्| सन् १९९८ देखि फिफाका अध्यक्ष रहेका ७९ वर्षीय ब्लाटरमाथि फिफाको हित विपरित काम गरेको आरोप लागेको छ| ब्लाटर विरुद्ध रकम हिनामिनाको आरोपमा अनुसन्धान पनि चलिरहेको जानकारी स्वीस अधिकारीले दिएका थिए|
पाचौं कार्यकालका लागि निर्वाचित भएका ब्लाटरले केहि महिनाअघि पदत्याग गर्ने घोषणा गरिसकेका छन्| निर्वाचित भएको एक साता नबित्दै ब्लाटरले राजिनामा दिएका थिए|
