नेपालले २२ वर्षे उपाधि खँडेरी तोडेर प्रथम साफ यु१९ च्याम्पिएनसिप जितेको एक महिना वित्दै छ| त्यस प्रतियोगितामा भारत र अफगानिस्तान जस्ता सशक्त टोलीलाई परास्त गर्दै उपाधि उठाएको नेपालको प्रदर्शन ए.एफ.सी छनोटमा भने विर्सनलायक रह्यो|

साफको लागि करिव दुई महिना प्रशिक्षण गर्ने मौका पाएको टोलीले त्यस प्रतियोगिताको फाइनल बाहेकका खेलमा कम्तिमा दुई गोल गर्यो| केहि खेलमा मिडफिल्डमा तालमेल नमिले पनि प्रतियोगिता चल्दै जाँदा त्यसमा पनि सुधार आयो| अफगानिस्तान विरुद्धको सेमिफाइनल खेलमा डिफेन्डर गौरव बुढाथोकि घाइते भएपछि प्रशिक्षक बालगोपाल महर्जनले छिरिङ गुरुङलाई मैदानमा उतारे| प्रतियोगितामा पहिलो खेल खेलेका गुरुङले राम्रो प्रदर्शन गरे र नेपाल फाइनल पुगेको थियो|

फाइनलका लागि पनि गौरव उपलब्ध नहुने भएपछि छिरिङले नै भारतविरुद्धको खेलमा सुरुवात गरे| नेपाल खेलमा १-०ले अघि रहेको अवस्थामा प्रशिक्षक बालगोपाल महर्जनले लिएको एउटा निर्णयले नतिजानै फेर्न सक्थ्यो| विमल घर्ति मगरको ठाउँमा मैदान प्रवेश गरेका दिनेश राजवंशी प्रतियोगिता अवधिभर चोटका कारण खेलेनन्, फाइनल अघिसम्मको प्रेस कन्फरेन्समा उनको बारे सोध्दा पनि प्रशिक्षकले तयार नभएको अभिव्यक्ति दिएका थिए| तिनै राजवंशीको ह्यान्ड बलले भारतले पेनाल्टिमार्फत खेल बराबरीमा ल्याएको थियो| दिनेशको यो दुई महिनामा पहिलो खेल थियो र म्याच फिटनेस नभएको खेलाडीलाई यस्तो संवेदनशील समयना उतार्नु ठूलै प्रश्नको विषय बन्न सक्थ्यो| भाग्यले साथ दिएको नेपालले विमल, अन्जन जस्तो पेनाल्टि टेकर मैदानबाट वाहिर आइसके पनि पाँचमा पाँचै पेनाल्टि छिराएर खेल जित्यो|

साफ सकिएलगत्तै यु१९ टोली केहि दिन सम्मान र पुरस्कार वितरण समारोहतिरै व्यस्त रहे| सरकारको प्रति खेलाडी एक लाख देखि प्राइभेट कम्पनिका उद्घाटनसम्मा टोली सामेल थियो| प्रशिक्षणरत यु१९ टोलीका खेलाडी राष्ट्रिय लिगको सुरुवात संगै प्रशिक्षण रोकेर क्लब फुटबल तर्फ लागे| यस टोलीका अधिकांश खेलाडी यसअघिनै सुदुरपश्चिममा आवद्ध थिए भने साफको बेलामा चम्केका केहि खेलाडीले नयाँ क्लब पाए| यु१९ टोलीका कप्तान विमल घर्ति मगर र तेज तामाङ सुदुरतिर लागे भने डिफेन्डर छिरिङ गुरुङ र मिडफिल्डर डोना थापा मोरङ तर्फ हान्निए| साफ टोलिमा नअटाएका रामचन्द्र वजि पुलिसमा अटाए| साफ टोलिका केहि मात्र खेलाडी थिएजसले कुनै क्लबमा खोलेनन्| यस्तो समयमा उनिहरुले प्रशिक्षण गर्ने भनेको लिगको खेल समाप्त भएपश्चात मैदानमा करिव एक घण्टा आफैंआफैं बल हान्नु थियो|

साफ अवधिभर चार खेल खेलेको नेपालले लिगको लागि खेलाडी क्लबमा जान दिएपछि कहिले एक त कहिले दुइ दिन बिराएर खेल खेलिरहे| बिना बिश्राम लगातार खेल्दा पनि खेलाडी थकित भएको र प्रदर्शनमा फरक परेको तथ्य इरानमा देख्न पाइयो| भूकम्पका कारण पछि धकेलिएको लिगलाई दशैं अगावै सक्नुपर्ने बाध्यताका कारण एन्फाले यु१९को प्रशिक्षणलाई महत्व दिएन| गत वर्ष समाप्त हुनुपर्ने राष्ट्रिय लिग, यो बर्षको मध्य पुग्दा पनि बिबिध कारणवश समापन हुन सकेको छैन| छनोट हुने सम्भावनामा बिश्वास नभएकोले एन्फाले क्लबहरुलाई खेलाडी उपलब्ध गराइदिन अनुरोधपनि गरेन| समयमै लिग सक्नुपर्ने बाध्यताको मार यु१९ टोलीले खेप्नुपर्यो|

यसविचमा यु१६ टोलीले किर्गिस्तानमा गरेको प्रदर्शन पनि निकै राम्रो रह्यो| अन्तिम चरणमा छनोट हुन सफल टोलीले किर्गिस्तान विरुद्ध दुई गोल पछि परेर पनि नतिजा ४-२ले आफ्नोतिर उल्टाउनु साँचै नै अविश्वसनिय रह्यो| प्रतियोगिताबाट फर्केको टोलीको स्वागतमा विमानस्थलमा सयौं सर्वसाधारणको उपस्थिति थियो भने स्वयं एन्फाका अध्यक्ष र राखेपका सदस्य सचिव केशव विष्ट विमानस्थल पुगेका थिए| गाह्रो समुहमा परेपनि जोर्डन र किर्गिस्तानलाई हराउँदै नेपाल पाँच उत्कृष्ट समुहविजेता मध्य एक बन्दै अन्तिम चरणमा छनोट भएको थियो| टोलीका प्रशिक्षक उपेन्द्रमान सिंहले नेपाल उत्रेपछि यु१९को नतिजाले टोलीलाई थप उर्जा दिएको र अब यु१६को नतिजालाई यु१९ले निरन्तरता दिनुपर्ने बताएका थिए|

यु१९ टोली अक्टोबर दुईदेखि सुरु हुने भनिएको प्रतियोगिता खेल्न सेप्टेम्बर ३०मा उड्ने कार्यक्रम थियो| सेप्टेम्बर २९गते १२:३० बजे खेलाडीहरु आ-आफ्नै क्लबको खेल खेल्न व्यस्त थिए| प्रतियोगिता सुरु हुनअघि एकदिन पनि प्रशिक्षण गर्न नपाएको टोलीमा खेलाडी छनोट पनि अचम्मित पार्ने थियो|

साफमै चोट बोकेका डिफेन्डर गौरव बुढाथोकि टोलीमा अटाएनन् भने चोटका कारण टोलीमा नराखिएको भनिएका आकाश थापा भोलिपल्ट सुदुरपश्चिमका लागि पुरै ९०मिनेट खेले| ति दुई महत्वपुर्ण डिफेन्डरको ठाँउमा टोलीमा एक मिडफिल्डर र एक फरवार्डलाई स्थान दिइयो| आफुभन्दा बलियो प्रतिद्वन्दिसंग खेल्न जान लागेको टोलीमा डिफेन्समा एकदमै सिमित खेलाडी थिए| साफ अवधिभरै  कुनै पनि खेलमा क्लिन सिट राख्न नसकेको नेपालको यो निर्णयको नतिजा प्रतियोगिताको पहिलो खेलमा नै देखियो|

रक्षात्मक रणनिति अपनाउने सुरमा मैदान छिरेको टोलीले ९० सेकेन्डभित्रै दुई गोल खाएको थियो| अनन्त तामाङ अफगानिस्तानका प्रहार रोक्ने एकमात्र योद्धा देखिन्थे| खेलको ५७औं मिनेटमा छिरिङ गुरुङले पेनाल्टि बक्सभित्र प्रहर गरेको फाउललेनै गुरुङको प्रदर्शनको बयान गर्छ| बिट भइसकेको अवस्थामा उनले पछाडिबाट गरेको ट्याकल रेड कार्ड देखाउन योग्य थियो|

पहिलो खेल १०-०ले हारेको नेपालको रणनिति एकदमै खराब थियो| खेल अवधिभर एउटामात्र पोष्ट प्रहार गरेको टोलीको रक्षात्मक खेल सम्हालिन नपाउँदै तोडियो| कुवेत विरुद्ध दोश्रो खेलमा बराबरी गरेको नेपालले सुरुवातमा तेज तामाङको स्थानमा डोना थापालाई खेलायो| ६१औं मिनेटमा कप्तान विमल घर्ति मगरको गोलसंगै अग्रता लिएको नेपालले १०मिनेट नबित्दै बराबरी गोल खायो| अन्तिम खेल जोर्डनविरुद्ध ३-०ले हार्दा पनि कुवेतसंग सुरुवात गरेकै टोली खेलेको थियो| शारिरिक रुपमा नेपालभन्दा बलियो रहेका टोलीले प्रविधिक रुपमा पनि नेपाललाई पछि पारे|

अन्तराष्ट्रिय प्रतियोगितामा सहभागि हुनपुर्व अन्य राष्ट्रले महिनौं प्रशिक्षण गर्छन् तर विना कुनै प्रशिक्षण इरानसंग मैदानमा उत्रदा खाएको दश गोलले नेपालको तयारीमा देखिएको कमजोरीको नतिजा देखाउँछ| साफ जितेको टोलीको यस्तो कमजोर प्रदर्शन होला भन्ने सोच्न पनि गाह्रो थियो| छनोटको लक्ष्य लिएर गएको नेपाल गोलको भारी बोकेर फर्कंदा किन यस्तो भयो र अब आउने दिनमा गर्नुपर्ने सुधारमा ध्यान दिन एकदमै जरुरी छ|