राष्ट्रिय लिगमा आज ए.पि.एफले सुदुरको सामना गर्दैछ भने मनाङले मोरङ विरुद्ध खेल्नेछ|

मनाङसंग १-०को हारसंगै उपाधि दौडमा पछि परेको सशस्त्र, लुम्बिनि बिरुद्ध ५-१को फराकिलो जित हात पार्दै फेरि लयमा आएको छ| फरवार्ड अञ्जन विष्ट इरानबाट फर्केपछि पहिलो खेल खेल्दैछन् भने पछिल्लो खेलमा ह्याट्रिक गरेका लावति सुरुवाती रोजाईमा नपर्न सक्छन्| सशस्त्रका लागि राजेन्द्र रावल उपस्थित हुने छैनन् भने सुदुरका अनन्त तामाङ चोटका कारण खेल्ने नखेल्ने निर्णय हुन बाँकि छ|

उता उपाधि दौडमा लगातार दुई खेल अन्तिम मिनेटका गोलले जित हात पारेको मनाङ सहज जित हात पार्ने दाउमा छ| सशस्त्र विरुद्ध रुपेश केसी र झापा विरुद्ध अनिल गुरुङले अन्तिम मिनेटमा गोल गर्दै मनाङलाई जित दिलाएका थिए|

तर मनाङलाई यो खेल सहज भनेन नहुन सक्छ| डिफेन्डर विराज महर्जन, मुसा फिनिगे र मिडफिल्डर विशाल राई दोहोरो पहेंलो कार्डका कारण खेलमा सहभागि हुने छैनन् भने मोरङका लागि डोना थापा र छिरिङ गुरुङले पुनरागमन गर्नेछन्

मनाङलाई डोडोजले झापा विरुद्ध बोकेको चोट पनि टाउको दुखाइको विषय बन्न सक्छ| अनिल गुरुङ पनि लयमा नदेखिनु र सुजल श्रेष्ठ पनि घाइते भएको हुनाले दिपक राईको भुमिका निकै ठुलो हुनेछ