माले (हाम्रो खेलकुद) – नेपाली राष्ट्रिय फुटबल टोलीका गोलरक्षक किरण चेम्जोङ सम्मिलित टि.सी. स्पोर्ट्स क्लबले माल्दिभ्सको शीर्ष डिभिजनको लिग धिवेही प्रिमिएर लिग अन्तर्गत पाँचौ खेलमा जित दर्ता गरेको छ।
शुक्रबार भएको खेलमा टि.सी. स्पोर्ट्सले क्लब इगल्सलाई १-०ले पराजित गरेको हो। विजेता टोलीका लागि कर्नेलिअस स्टेवार्टले १५औं मिनेटमा गरेको गोल निर्णायक सावित भएको थियो।
जितसंगै तेश्रो स्थानमा उक्लिएको टि.सी. स्पोर्ट्सको पाँच खेलमा ३ जित, १ बराबरी र १ हार संगै १० अंक भएको छ। शीर्ष स्थानमा रहेको न्यु रेडीएन्टको ५ खेलमा १२ अंक छ।
