माकासार (एजेन्सी) – इन्डोनेसियाको लिगा १ अन्तर्गत नेपाली राष्ट्रिय टोलीका रोहित चन्दको सम्मिलित क्लब पर्सिजा जाकार्ताले सिजनमा पहिलो पराजयको सामना गरेको छ। पहिलो रोजाईमा परेका चन्दले पुरा समय खेलेका थिए।
अघिल्ला दुई खेलमा १ जित र १ बराबरी खेलेको पर्सिजाले तेस्रो खेलमा पीएसएम माकासारको घरेलु मैदानमा १-०को पराजय भोग्यो। खेलमा दुवै टोलीका खेलाडीली रातो कार्डको सामाना गरेका थिए । खेलको ७३औं मिनेटमा पर्सिजाका सुते सान्धिले खेलको दोस्रो पहेंलो कार्डको सामना गरेपछि १० खेलाडीमा सिमित भएको थियो। पर्सिजाले ७९औं मिनेटमा गोल खाँदै खेलमा पछि परेको थियो।
माकासारकालागि नेदरल्याण्डका विल्जन पुलिमले गोल गरेका थिए । ८३औं मिनेटमा माकासारका जुलक्युफ्ली स्युकुरले दोस्रो पहेंलो कार्डको सामना गरेर मैदानबाट बाहिरिएपनि पर्सिजाले त्यसको फाइदा उठाउन सकेन । पराजय पश्चात ३ खेलमा ४ अंक जोड्सो रोहितको क्लब आठौं स्थानमा झरेको छ।
