एजेन्सी – युरोपेली च्याम्पियन्स लिग अन्तर्गत सेमिफाइनल चरणको पहिलो लेगको खेलमा स्पेनीस टोली रियल म्याड्रिड र एटलेटिको म्याड्रिड भिड्दै छन्।
रियल म्याड्रिडको लागि चोटका कारण यस खेलमा ग्यारेथ बेल र पेपे अनुपस्थित रहनेछन्। बेलको स्थानमा फर्ममा रहेका इस्कोले सुरुवात गर्ने सम्भावना रहेको छ। हामेस रोड्रीग्वेज र अल्भारो मोराटा पनि बेन्चबाट आएर खेलमा प्रभाव पार्ने धुनमा हुनेछन्। यसैसाता भ्यालेन्सियाविरूद्धको जितमा विश्राम पाएका डिफेन्डर राफेल भारान सुरुवाती ११ मा पर्ने लगभग पक्का छ।
गोलरक्षकको भुमिकामा केलर नाभास रहनेछन् भने राफेल भारान र सर्जियो रामोसले सेन्टर डिफेन्सको जिम्मेवारी सम्हाल्नेछन्। कार्भाजलले राइट डिफेन्समा खेल्नेछन् भने लेफ्ट डिफेन्समा मार्सेलो कायमै रहनेछन्।
टोनी क्रुज, कास्मिरो र लुका मोड्रीचले मिडफिल्ड सम्हाल्नेछन्। इस्को, क्रिस्टियानो रोनाल्डो र करीम बेन्जेमाले आक्रमण सम्हाल्नेछन्।
