काठमाडौँ (हाम्रो खेलकुद) – एएफसी एसियन कपको तयारीका लागि नेपाली राष्ट्रिय फुटबल टोलीले बिहिबारदेखि प्रशिक्षण सुरु गरेको छ। जापानिज प्रशिक्षक ग्योतोकु कोजीले फिलिपिन्सविरुद्धको खेलमा छनोट गरिएका २७ जना खेलाडीलाई प्रशिक्षणमा बोलाएका छन्।
नेपालले आगामी जुन १३ तारिखमा एएफसी एसियन कपको छनोट चरण अन्तर्गत दोश्रो खेलमा यमनको सामना गर्दैछ। हल्चोक स्थित शसस्त्र प्रहरी बलको मैदानमा हुने खेलका लागि राष्ट्रिय टोलीको प्रशिक्षण सुरु गरिएको हो। पहिलो दिनको प्रशिक्षणमा काठमाडौँमै रहेका खेलाडीहरु उपस्थित रहेका थिए। आइतबारबाट सबै खेलाडी उपस्थित हुने जानकारी दिइयो।
नेपालले एसियन कप छनोट अन्तर्गत पहिलो खेलमा फिलिपिन्ससंग ४-१को हार व्येहोरेको थियो। नेपालका लागि यस खेलमा मिडफिल्डर बिक्रम लामा उपस्थित हुने छैनन्। रातो कार्ड पाएका उनले १ खेल गुमाउने निश्चित छ। उनले रातो कार्ड पाएपछि उक्त घटना समझदा पनि मन अमिलो भएर आउने बताएका थिए।
चोटका कारण पछिल्लो खेलमा अनुपस्थित रहेका नवयुग श्रेष्ठ यस खेलका लागि प्रशिक्षणमा उपस्थित भएका छन्।
प्रशिक्षणका तस्बिरहरु हेर्न यहाँ थिच्नुहोस
