एजेन्सी – इन्डोनेसियाको लिगा १ अन्तर्गत बिहिबार भएको खेलमा नेपाली राष्ट्रिय टोलीका खेलाडी रोहित चन्द सम्मिलित पर्सिजा जकार्ताले जारी लिगमा लगातार दोश्रो हार व्येहोरेको छ।
मदुरा युनाइटेड विरुद्ध आज पर्सिजाको घरेलु मैदानमा भएको खेलमा पाहुना टोलीका लागि पिटर ओडेमविङ्गीले गरेको ६९औं मिनेटको गोल निर्णायक सावित भयो। इङ्गलिस प्रिमियर लिगका विभिन्न क्लबबाट व्यावसायिक फुटबल खेलिसकेका ओडेमविङ्गी हाल इन्डोनेसियामा खेलिरहेका छन्।
आजको खेलम रोहितले ७८ मिनेट मात्र खेलेका थिए। उनलाई अन्तिम १२ मिनेटका लागि पामुङ्गकसले स्थानान्तरण गरेका थिए।
लिगको पहिलो खेलमा जित हात परेको रोहितको टोली ४ खेलमा २ हार र १ बराबरीसंगै ४ अंक जोडेर लिग तालिकाको १३औं स्थानमा झरेको छ।
