राष्ट्रिय लिग २०७१को उपाधि विजेता थ्री स्टार क्लबले आज ललितपुर नगर परिक्रमा गर्दै विजयी र्यालीको आयोजना गर्यो|
दिनको साढे तिन बजेतिर सुरु भएको र्याली क्लबको कार्यालय मंगलबजार बाट सुरु भएर पाटनको सुन्धारा हुदैं लगनखेल – कुमारीपाटि – जावलाखेल – पुल्चोक र फेरी मंगलबजार आएर टुंगिएको थियो| पाटन दरबार स्क्वाएरमा एक कार्यक्रममा टोलीलाई सम्मान पनि गरियो| र्यालीमा खेलाडी, प्रशिक्षक, अफिसियल लगाएत फ्यानहरुको उपस्थिति बाक्लै थियो|
मनांगलाई अन्तिम खेलमा २-०ले हराउदै थ्री स्टारले राष्ट्रिय लिगको उपाधि जितेको हो| यो थ्री स्टारको पहिलो राष्ट्रिय लिग उपाधि हो भने क्लबले ए डिभिजन भने चारपटक जितिसकेको छ| अन्जन केसी प्रशिक्षक रहेका क्लबमा छ खेलपछि राजेन्द्र तामांगले जिम्मेवारी लिएका थिए|
लिग अवधिभर जम्मा एक खेल हारेको थ्री स्टार आर्मी र मनांगलाई पछि पार्दै लिग जित्न सफल भएको हो|
फोटो:[साभार: फेसबुक(वि आर स्टार)]
