माले (एजेन्सी) – माल्दिभ्सको पहिलो दर्जाको लिग धिवेही प्रिमियर लिगमा नेपाली राष्ट्रिय टोलीका गोलरक्षक किरण चेम्जोङ सम्मिलित टि.सी. स्पोर्ट्सले दोस्रो हारको सामना गरेको छ । किरणले खेलको पुरा समय खेलेका थिए ।
तस्बिर : maldivesoccer.com
घरेलु मैदानमा टि.सी. स्पोर्ट्सले यसै सिजन धिवेही प्रिमिएर लिगमा बढुवा हुँदै प्रवेश गरेको ग्रिन स्ट्रिटसँग ३-१ को हार व्यहोरेको हो । खेलको पहिलो हाफमा सोबोल इलियाले दुइ गोल गर्दै पाहुना टोलीलाई २ गोलको अग्रता दिलाएका थिए । दोस्रो हाफको ७२ मिनेटमा माहुदीले गोल गर्दै टि.सी. स्पोर्ट्सलाई खेलमा फर्काउने प्रयास गरेका थिए । तर रिजुहानले ८१ मिनेटमा गोल गर्दै ग्रिन स्ट्रिटको जित सुनिश्चित गरेका थिए ।
जितसंगै ग्रिन स्ट्रिट तेस्रो स्थानमा उक्लेको छ भने टि.सी. स्पोर्ट्स चौथो स्थानमा झरेको छ ।
