म्यानचेस्टर (एजेन्सी) – युरोपा लिग अन्तर्गत बिहिबार भएको सेमिफाइनल खेलको दोश्रो लेगमा सेल्टा भिगोसंग १-१को बराबरी खेल्दै म्यानचेस्टर युनाईटेडले फाइनलमा स्थान सुरक्षित गरेको छ।
खेलको १७औं मिनेटमा घरेलु टोलीले अग्रता लिदैं फाइनलको बाटो बनाएको थियो। मराउन फेलाइनीले मार्कस र्यासफर्डको पासलाई सदुपयोग गर्दै टोलीलाई अघि बढाएका थिए। नियमित समयको ५ मिनेट बाँकी हुँदा सेल्टाले गोल गर्दै खेलमा फर्कने संकेत दियो। सबास्टियन रोन्काग्लियाले ८५औं मिनेटमा गोल गर्दै घरेलु टोलीलाई केहि दबाबमा राखेका थिए।
खेलको अन्तिम समयमा एरिक बेली र रोन्काग्लियाले भनाभन गर्दै हातपात गर्न खोजेपछि रेफ्रीले रातो कार्ड दिंदै मैदान बाहिर पठाएका थिए। थप गोल हुन नसकेपछि युनाईटेडले फाइनलमा स्थान सुरक्षित गर्यो।
