एजेन्सी – आँधीका कारण हुन नसकेको रियल म्याड्रिड र सेल्ट भिगो बिचको ला लिग अन्तर्गतको खेल हुने पक्का भएको छ।
ला लिगाको आयोजना कमिटिले उक्त खेललाई यहि मे १७ तारिखमास्पेनको समय अनुसार राती ९ बजे गर्ने निर्णय लिएको हो। नेपाली समयानुसार उक्त खेल मे १८ तारिखको बिहान १२:४५ बजे हुनेछ।
लिगको उपाधि पछ्याइरहेका रियल म्याड्रिडले बार्सिलोनाभन्दा १ खेल कम खेलेका कारण अहिले दुवै टोलीको बराबर अंक रहेको छ। यस खेल खेलेसंगै दुवै टोलीको समान खेल हुनेछ र अन्तिम लिग चरण अगावै लिग समीकरणको टुंगो लाग्नेछ।
रियल र सेल्टा बिचको लिगमा भएको पहिलो खेलमा रियल म्याड्रिडले २-१को कठिन जित दर्ता गरेको थियो। उक्त खेलमा टोनी क्रुसको गोलले रियलले जित हासिल गरेको थियो। यस सिजनको कोपा डेल रेमा रियलले सेल्टासंग पराजय भोग्दै प्रतियोगिताबाट बाहिरिएको थियो।
