काठमाडौं, कात्तिक २- एसियाली फुटबल महासंघले (एएफसी) को अनुशासन समितिले म्याक्स फिक्सिड्को आरोप लागेका नेपाली राष्ट्रिय टोलिका कप्तान सागर थापासहित उपकप्तान सन्दीप राई, गोलकिपर रितेश थापा पूर्व खेलाी अन्जन केसी र विकाससिंह क्षेत्रीलाई अस्थायी निलम्बन गरेको छ ।

एएफसी, स्पोर्टस राडर र नेपाल प्रहरीको संयुक्त पहलमा आरोपित खेलाडी सन् २००८ यता विभिन्न अन्तर्राष्ट्यि खेलमा मिलेमतो गरेको पत्ता लागेको दाबी गरिएको छ । बिहीबार पक्राउ परेका उनीहरुले गल्ति स्वीकारेको नेपाल प्रहरी दाबी गरेको छ । अनुसन्धान जारी रहेकोले आरोपित खेलाडीमाथि अझै २० दिनको निलम्बन थप्न सकिने एएफसीले जनाएको छ । एएफसीले निलम्बनलाई खेल मिलेमतोमा आफ्नो शून्य सहनसिलताको उदाहरण भएको बताएको छ । अखिल नेपाल फुटबल संघ (एन्फा) ले अनुसन्धानलाई सघाउने भन्दै पाँच खेलाडीलाई फुटबलका सबै गतिविधिबाट निलम्बन गरिसकेको छ ।