रोम (एजेन्सी) – इटालीयन महारथी युभेन्टसले बुधबार रातीको फाइनल खेलमा लाजियोलाई २-०ले पराजित गर्दै कोप्पा इटालीयाको उपाधि लगातार तेश्रो पटक जितेको छ।
ड्यानी आल्भेसको १२औं मिनेटको उत्कृष्ट भली गोलसँगै अग्रता लिएको युभेन्टसले २४औं मिनेटमा अग्रता दोब्बर पारेको थियो। लियोनार्डो बोनुचीले गरेको उक्त गोल निर्णायक सावित भएपछि युभोन्टसले उपाधि जितेको हो।
लिगको शीर्ष स्थानमा रहेको युभेन्टस च्याम्पियन्स लिगको पनि फाइनलमा पुगेको छ। यस सिजन ‘ट्रेबल’ गर्ने धुनमा रहेका प्रश्कषक मासिमिलानो एलेग्रीले टोली उक्त सपना पुरा गर्न योग्य रहेको बताएका छन्।
