काठमाडौं (हाम्रो खेलकुद) – ए डिभिजन क्लब जाउलाखेल युथ क्लबका महासचिव मनमोहन केसीको आज पशुपति आर्यघाटमा दाह संस्कार गरिएको छ । केसीको शुक्रबार बिहान १ बजे निधन भएको थियो ।
मुटुको समस्या र निमोनियाले चापेपछि बिहीबार साँझ जावलाखेलस्थित अल्का अस्पतालमा लगिएको र स्थिति गम्भिर भएपछि थप उपचारका लागि उनलाई थापाथलीको नर्भिक अस्पताल पुर्याइएको थियो । ३९ वर्षे केसीको श्रीमती र एक छोरा छन् ।
दाह संस्कारअघि केसीको पार्थिव शरिर अन्तिम श्रद्धान्जलीका लागि शनिबार बिहान जावलाखेल युथ क्लबको मैदानमा राखिएको थियो । क्लबका पदाधिकारी, अखिल नेपाल फुटबल संघका (एन्फा) पदाधिकारी, फुटबल खेलाडी, आफन्त, साथीभाई र शुभचिन्तकको अन्तिम श्रद्धान्जलीमा उपस्थित थिए ।
केसीको निधन प्रति हाम्रो खेलकुद डटकम दुःख व्यक्त गर्दै मृत आत्माको चिर शान्तिको कामना एवंम् शोक सन्तप्त परिवारप्रति समवेदना प्रकट गर्दैछ ।
